• معاملات >> بیع و تجارت

    سوال نمبر: 37785

    عنوان: باز كی خرید وفروخت

    سوال: میرا سوال یہ ہے کہ میرے دادا کاروبار کرتے تھے وہ ایک جگہ سے عقاب یعنی باز خریدتے تھے اور پھر مہنگے دام میں لوگوں کو بیچ دیدیتے تھے ۔ اب حکومت نے پابندی بھی لگائی تھی اس کاروبار پر مگر وہ یہ کاروبار کرتے رہے یہ پابندی شائد کاغذی طور پر ہے تھی ، کیوں کہ انہی بازوں کو کافی چیک پوسٹس سے گزر کر لانا پڑتا تھا۔ میرا سوال یہ ہے کہ جو پیسے میرے دادا نے اس کاروبار میں کمائے ہیں ، کیا وہ حلال ہیں؟ کیو کہ اس پر پابندی تھی حکومت کی طرف سے ؟

    جواب نمبر: 37785

    بسم الله الرحمن الرحيم

    فتوی: 628-628/M=4/1433 باز کی خرید وفروخت پر حکومت کی جانب سے جب پابندی ہے تو آپ کے دادا کو یہ کاروبار نہ کرنا چاہیے تھا، قانون کا احترام کرنا چاہیے کیونکہ خلاف ورزی ہلاکت ونقصان کا سبب ہوسکتی بہرحال اس کمائی پر ناجائز اور حرام ہونے کا حکم نہیں ہے۔


    واللہ تعالیٰ اعلم


    دارالافتاء،
    دارالعلوم دیوبند