متعلقہ سوالات

آپ سے معلوم یہ کرنا ہے کہ میرے ایک جاننے والے کی پولٹری فارم پر کام کرنے والے ایک شخص سے بات چیت ہے وہ ان کو روزانہ انڈے کی ایک یا دوپیٹی مارکیٹ سے کم دام پر دے جاتا ہے۔یعنی مثلاً مارکیٹ میں ایک سو پینتالیس روپیہ ہے تو وہ شخص ان کو ایک سو بیس روپیہ کے حساب سے دیتاہے۔میں نے ان سے کہا آپ مجھ کو دے دو میں آگے سپلائی کرتا ہوں۔ وہ مجھے دینے لگے اور میں سپلائی کرنے لگا۔ایک بات میں آ پ کو بتاتا چلوں کہ میں چھ یا سات ماہ سے بے روزگار ہوں اور میرے پاس اگلے دن کھانے کے بھی پیسے نہیں ہوتے اور میں شادی شدہ بھی ہوں یعنی حالات بہت زیادہ خراب ہوتے ہیں۔جب میں نے انڈوں سے متعلق ان سے بعد میں معلومات لی کہ ان کو اتنے کم دام میں انڈے کیسے ملتے ہیں تو یہ بات سامنے آئی کہ وہ کام کرنے والے وہاں سے چوری کرکے دیتے ہیں۔ اب آپ سے یہ معلوم کرنا ہے کہ یہ کام میں کرسکتا ہوں یا نہیں،جب کہ میرے حالات بھی اتنے خراب ہیں؟برائے مہربانی شریعت کے حساب سے میری رہنمائی فرماویں۔

حضرت گزارش یہ ہے کہ میں ایک کاروبارانٹر نیٹ کیفے کا شروع کرنے کے بارے میں سوچ رہا ہوں اور ایک کاروبار موبائل سے متعلق سوچ رہا ہوں۔ لیکن مجھے شبہ ہے وہ یہ کہ انٹر نیٹ میں بہت سی چیزیں وہ ہیں جو جائز نہیں ہیں اورپھر اس میں زیروکس کا بھی استعمال ہوتا ہے جس سے کبھی کبھی کلر فوٹوبھی نکالا جاتا ہے اورموبائل میں بھی بہت سی چیزیں ایسی ہیں جو جائز نہیں ہیں جیسے اس میں گانے وغیرہ رکھتے ہیں وہ سب تو اسی درجہ میں آتے ہیں۔ آپ بتائیں کہ انٹرنیٹ کیفے اور موبائل سے متعلق کاروبار کرسکتے ہیں یا نہیں؟ اوراگر کرسکتے ہیں تو اس کی حدود کیا ہیں؟

کیا آم کا بیوپار صحیح ہے کیوں کہ اس میں کچھ شک ہے آم لینے والا آم کودیکھ کر آم نہیں لیتا پھول کو دیکھ کر لیتا ہے جو آم سے پہلے آتے ہیں اور دینے والا تو راضی ہوتا ہے؟ (۲)اگرآم کا باغ دو یا تین سال کے لیے لے لیا اوراس میں جو بھی فصل آتی ہو اسے استعمال کریں تو کیا حکم ہے؟ (۳)کیا یہ کاروبار کرنے والوں کا مال حرام ہوجائے گا؟

ای بے { Ebay }پر سامان بیچنا كیسا ہے؟

میرا سوال ہے کہ میں ڈالر کا کاروبار کرتا ہوں اورڈالر کو ایک سال کے لیے دیتا ہوں۔ اس صورت میں کہ ڈالرکی نقد قیمت ۷۰/پاکستانی روپئے ہے، اور میں ایک سال کے لیے ۸۰/پاکستانی ریال کے بدلے میں دیتا ہوں۔ مثال کے طور پر ایک لاکھ ڈالر کو ایک سال کے لیے جب کہ ڈالر کی قیمت ۷۰/پاکستانی روپئے ہے اور ایک سال کے لیے میں ۸۰/پاکستانی روپئے پر دیتا ہوں اور وہ مجھے سال کے بعد ۸۰۰۰۰۰/پاکستانی روپئے دیتا ہے جب کہ میں نے اس کو ۱۰۰۰۰۰/ڈالر دیا تھا، جس وقت وہ ۷۰۰۰۰۰/پاکستانی روپئے بنتے تھے۔

چلتے کاروبار میں شرکت کرنا کیسا ہے؟ مثلاً کوئی شخص پہلے سے کاروبار کررہا ہے دوسرا شخص اپنی رقم ملا کر شرکت کرنا چاہتا ہے۔ کیا یہ جائز ہے؟ اگر نہیں، تو جواز کی صورت بتادیں۔