• متفرقات >> اسلامی نام

    سوال نمبر: 329

    عنوان:

    بچوں کے درج ذیل ناموں کا معنی بتادیں اور کیا یہ نام رکھ سکتے ہیں؟

    سوال:

    بچوں کے درج ذیل ناموں کا معنی بتادیں اور کیا یہ نام رکھ سکتے ہیں؟

                            Zayan                 زین

                            Hannah               ھنا، حنا

                            Juhairya              جہیریہ/ جویریہ

                            Jubayr                جبیر

                            Zarya                  زریہ

    جواب نمبر: 32901-Sep-2020 : تاریخ اشاعت

    بسم الله الرحمن الرحيم

    (فتوى: 346/ن=340/ن)

     

    زین:      بمعنی زینت، خوبصورتی، آراستگی۔

    ھُنا:      ہاء کے ضمہ کے ساتھ بمعنی یہاں اور ھِنا: ہاء کے کسرہ اور آخر میں ہمزہ کے ساتھ کے معنی ہوں گے تارکول، کھجوروں کا گچھا۔ اور ھَنْأً: کے معنی ہیں خوش ہونا، اور حِنّاء: حاء کے کسرہ، نون کے تشدید اور آخر میں ہمزہ کے ساتھ کے معنی ہیں مہندی۔

    جھیریّہ: صحیح لفظ نہیں ہے۔ صحیح لفظ جھیرہ ہے جس کے معنی ہیں خوبصورت عورت، بلند آواز والی عورت۔

    جویریہ: جویریہ بنت الحارث رضی اللہ عنہا ازواج مطہرات میں سے ہیں۔

    جبیر:     صحابہ و تابعین کے اسماء میں سے ہے۔

    زریّہ:      بمعنی ناکارہ، ذلیل۔ مذکورہ اسماء میں سے زین کے معنی درست ہیں، لہٰذا اس کے بعد *الاسلام* یا *الدین* وغیرہ لگاکر یہ نام رکھ سکتے ہیں۔

    حناء، جھیرہ، جویریہ، جبیر سب نام رکھ سکتے ہیں *ھنا* اور *زریہ* نام رکھنا معنی کے اعتبار سے درست نہیں ہے۔


    واللہ تعالیٰ اعلم


    دارالافتاء،
    دارالعلوم دیوبند