عنوان: مجھے داڑھی پوری نہیں آتی ہے كچھ لوگ اس كا مذاق اڑاتے ہیں؟

سوال: مجھے داڑھی پوری نہیں آتی ہے، کچھ سمجھدار مسلمان بھی اس کا مذاق اڑاتے ہیں اور مجھے ملازمت کا بھی مسئلہ ہے، کیا میری داڑھی کی وجہ سے یہ مسئلہ ہے؟

جواب نمبر: 17572501-Sep-2020 : تاریخ اشاعت

بسم الله الرحمن الرحيم

Fatwa:439-373/L=5/1441

داڑھی رکھنا واجب اور شعائرِ اسلام میں سے ہے ؛اس لیے داڑھی رکھنا ہر مسلمان پر لازم ہے اور داڑھی کا مکمل نہ آنا یہ منجانب اللہ ہے ،یہ اختیاری چیز نہیں ہے ؛اس لیے اس پر شرمندہ ہونے کی ضرورت نہیں،اور جو لوگ اس(داڑھی) کا مذاق اڑاتے ہیں ان کو اس سے باز آنا چاہیے بسا اوقات یہ سلبِ ایمان کا باعث ہوجاتا ہے ،اور ملازمت کا ملنا نہ ملنا یہ محض اللہ کی طرف سے ہے ملازمت نہ ملنے یا خاطر خواہ ملازمت نہ ملنے کو داڑھی کی وجہ سے خیال کرنا یہ لغو اور باطل نظریہ ہے ؛اس سے احتراز ضروری ہے ۔