عنوان: كن گناہوں كے ارتكاب سے آدمی ملحد ہوجاتا ہے؟

سوال: مولانا وہ کون سے گناہ ہیں جن کی وجہ سے آدمی ملحد اور روزی سے محروم ہو جاتاہے؟

جواب نمبر: 17340501-Sep-2020 : تاریخ اشاعت

بسم الله الرحمن الرحيم

Fatwa : 73-60/M=01/1441

مُلحد ، بے دین اور کافر شخص کوکہا جاتا ہے؛ جب کوئی مسلمان کفریہ عقائد و باطل نظریات کو اختیار کرلے اور دین حق سے برگشتہ ہو جائے تو وہ ملحد ہو جاتا ہے اور کفر کا ارتکاب یہ گناہوں میں سب سے سخت گناہ ہے، گناہوں کی نحوست سے آدمی بہت ساری خیرات سے محروم ہو جاتا ہے منجملہ ان کے روزی سے محرومی بھی ہے، اور گناہ جس نوعیت کا ہوتا ہے اسی اعتبار سے اس کا انجام بد مرتب ہوتا ہے اس لئے گناہ چاہے صغیرہ ہو یا کبیرہ یا اکبر الکبائر، ہر قسم کے گناہوں سے بچنے کا اہتمام ہونا چاہئے، اگر رزق میں تنگی اور رزق سے محروم کرنے والے گناہوں کو بطور خاص جاننا چاہتے ہیں تو چند گناہ حسب ذیل ہیں: نمازوں کو ضائع کرنا، والدین کی نافرمانی کرنا، نعمت کی ناقدری کرنا، قطع رحمی کرنا وغیرہ۔