عقائد و ایمانیات >> اسلامی عقائد
سوال نمبر: 169509
جواب نمبر: 169509
بسم الله الرحمن الرحيم
Fatwa : 724-611/B=07/1440
(۱) ایسی کوئی روایت ہماری نظر سے نہیں گذری کہ ڈاڑھی نہ رکھنے والا اپنی قبر میں منکر نکیر کے سوال کے وقت اپنے نبی حضرت محمد مصطفی صلی اللہ علیہ وسلم کو نہیں پہچان سکے گا یا وہ جہنمی ہوگا۔ جب وہ شخص نماز روزے کا پابند ہے زکاة نکالنے کا بھی پابند ہے اور خوب صدقہ و خیرات بھی کرتا ہے تو امید ہے کہ ان اعمال کی برکت سے نبی کریم صلی اللہ علیہ وسلم کو پہچان لے گا۔ رہا ڈاڑھی منڈانے کا مسئلہ تو اس کی سزا اس کو بھگتنی پڑے گی۔
(۲) ڈاڑھی رکھنا واجب ہے مسلمانوں کا اسلامی شعار ہے، کم از کم ایک مشت تک رکھنا ضروری ہے۔ ایک مشت سے کم ڈاڑھی رکھنا جائز نہیں۔ وہ گنہگار ہوگا۔
واللہ تعالیٰ اعلم
دارالافتاء،
دارالعلوم دیوبند