عنوان: کیا محرم میں اچھا جیسے حلیم بریانی زردہ یہ سب کھانا پکانا اور بانٹنا صحیح ہے ؟

سوال: کیا محرم میں اچھا جیسے حلیم بریانی زردہ یہ سب کھانا پکانا اور بانٹنا صحیح ہے یا غلط؟ اور اگر کسی کے یہاں سے ہمارے یہاں آئے تو اس کا کھانا صحیح ہے یا غلط؟ اس سوال کا جواب جلد سے جلد دیجئے گا، مہربانی ہوگی۔

جواب نمبر: 15550601-Sep-2020 : تاریخ اشاعت

بسم الله الرحمن الرحيم

Fatwa:85-67/D=2/1439

خاص محرم کے مہینے میں حلیم، بریانی، زردہ وغیرہ پکانا اوراس کو بانٹنا شریعت سے ثابت نہیں ہے، لہٰذا اس رسم کو ترک کرنا چاہیے، ویسے فقراء کی امداد کسی بھی مہینے میں کسی بھی طرح کی جاسکتی ہے ، اسی طرح کسی میت کو ایصالِ ثواب بھی کسی مہینے میں کیا جاسکتا ہے، اس کے لیے کوئی خاص دن متعین کرنا بدعت ہے۔

(۲) اگر ایسا کھانا کہیں سے آپ کے پاس آجائے تو اسے فقراء میں تقسیم کروادینا چاہیے؛ کیوں کہ یہ انھیں کا حق ہے۔