عبادات >> حج وعمرہ
سوال نمبر: 175366
جواب نمبر: 175366
بسم الله الرحمن الرحيم
Fatwa : 302-284/M=03/1441
گیس خارج ہونے کی بیماری اگر عذر شرعی کی حد تک نہیں ہے تب تو گیس خارج ہونے پر ہر مرتبہ وضو ٹوٹنے کا حکم ہوگا اور دوران طواف جب جب گیس خارج ہو تب تب وضو دہرانا ہوگا اور اگر گیس کی بیماری شرعی عذر کی حد تک ہے یعنی اتنی کثرت سے خارج ہوتی ہے کہ وضو کرکے فرض نماز ادا کرنے کے بقدر بھی خالی وقفہ نہیں ملتا تو آدمی شرعاً معذور ہے اور معذور شرعی کو یہ رخصت حاصل ہے کہ وہ ایک نماز کے وقت میں وضو کرلے تو وقت کے اخیر تک اس کا وضو برقرار مانا جاتا ہے اور درمیان وقت میں وہ عذر پیش آجائے تب بھی وضو نہیں ٹوٹتا؛ بلکہ وقت کے ختم ہونے پر اس کا وضو ختم ہوتا ہے۔
واللہ تعالیٰ اعلم
دارالافتاء،
دارالعلوم دیوبند