عنوان: حجامہ کے فوائد کیا ہیں؟ نیز کس دن اورتاریخ میں حجامہ مستحب ہے؟

سوال: حجا مہ کرانے کاکیا فائدہ ہے؟ اور کس دن اور کس تاریخ حجامہ کرانامستحب ہے؟

جواب نمبر: 17391401-Sep-2020 : تاریخ اشاعت

بسم الله الرحمن الرحيم

Fatwa:174-148/N=3/1441

(۱، ۲): حجامہ، ایک دیسی طریقہٴ علاج ہے، جو حجاز میں حضرت نبی کریم صلی اللہ علیہ وسلم کے زمانے میں رائج تھا اور آپ صلی اللہ علیہ وسلم سے حجاز کے موسم وماحول کے مد نظر حجامہ کے سلسلہ میں کچھ ہدایات بھی مروی ہیں، جو حدیث کی کتابوں میں موجود ہیں۔ اور اب یہ طریقہ علاج جدید ترقیات کے ساتھ ہمارے ملک: ہندوستان میں بھی شروع ہوگیا ہے؛ لیکن یہاں کے حساب سے یہ کن بیماریوں میں مفید ہے اور کس دن اور تاریخ میں لگوانا چاہیے؟ ہمیں یہ سب تفصیلات معلوم نہیں ، آپ ان سب باتوں کے لیے کسی ماہر حجامہ سے رجوع کریں۔