متفرقات >> دعاء و استغفار
سوال نمبر: 943
کسی پریشانی یا روزگار کے لیے ایک وظیفہ ہے جو سورہ یس کا وظیفہ ہے جس میں کچھ لوگ اکٹھا ہوکر ایک سو ایک مرتبہ سورہ یس پڑھتے ہیں اور ایک مٹی کا گھڑا پانی سے بھر کر رکھ لیتے ہیں جس کو بند کر کے اس پر تالا لگا کر اس کے اوپر رکھ دیتے ہیں اور حاجت پوری ہونے پر اس پانی سے حلوہ بنا کر آپس میں تقسیم کرلیتے ہیں۔ یہ وظیفہ مولانا عاشق میرٹھی سے نقل بتاتے ہیں۔ رہ نمائی فرمائیں کہ یہ صحیح طریقہ ہے یا نہیں؟اس میں کوئی شرک یا خلاف سنت بات تو نہیں؟رہ نمائی فرمائیں۔
جواب نمبر: 943
بسم الله الرحمن الرحيم
(فتوى: 1020/هـ = 759/هـ)
(۱) مولانا عاشق میرٹھی کون ہیں؟
(۲) جن لوگوں نے نقل کیا ہے انھوں نے کہاں سے نقل کیا ہے؟ اس کا حوالہ ان سے لکھوا کر بھیجئے تب ان شاء اللہ تفصیل سے جواب لکھ دیا جائے گا۔
واللہ تعالیٰ اعلم
دارالافتاء،
دارالعلوم دیوبند