متعلقہ سوالات

ہمارے گھر میں زمانے سے ایک پیتل کا پیالہ پڑا ہے، جس کے اندر عربی میں آیت الکرسی لکھی ہوئی ہے، کیا شریعت اور سنت میں اس کی کوئی حقیقت ہے، کیا بیماروں کو اس میں پانی یا دوا پلا سکتے ہیں، طب نبوی میں اس کا کوئی خاص دخل ہے؟ نہیں تو پھر اس آیات کو ناکاری سے بچانے کے لیے اس کو کیا کیا جائے؟ گھر میں قرآنی آیات، نقش سلیمانی لکھ کر لٹکانا کیسا ہے، جن اور شیاطین حاوی ہوجائیں اور با عمل عامل اگر نہ ملے تو کیا درگاہ یا مندر کے پجاری سے ان کو بھگایا جائے تو کیسا ہے؟ اور گھر میں بچے اور بڑوں پر جن حاوی ہو جائے تو اس وقت ایک دین دار آدمی کو کیا عمل کرنا چاہیے اوران چیزوں سے بچانے کے لیے روزانہ کیاعمل کرنا چاہیے اور میری بیوی کوروزانہ موت کے ، سانپ کے، مرُدوں کے، خون کے شیطان، کے خواب پڑتے ہیں اس کی کیا تعبیر ہوسکتی ہے؟ برائے مہربانی فتوی عطا فرمائیں۔

میں لگ بھگ چار سال سے باہر رہتا ہوں کیوں کہ ہماری مجبوری ہے گھر پر ایک میں ہی ہوں کمانے والاہوں جس سے ہم لوگوں کا گزارا چلتاہے ہمارے ساتھ میں اور رشتہ دار بھی رہتے ہیں مجبوری میں جیسے ہماری خالہ خالو اور ان کے بیٹا بیٹی سبھی کی ذمہ داری ہے، اب ہماری شادی بھی ہو گئی ہے۔ چھٹی تو ایک سال پر ہوتی ہے ہمارے پاس کوئی دوسرا راستہ بھی نہیں ہے۔ میں سوچتا ہوں کہ انڈیا واپس آجاؤں اور کچھ کام کروں مگر وہاں کے حالات دیکھنے کے بعد کچھ سمجھ میں نہیں آتا ہے نہ ہی کوئی کام کا ٹھکانہ ہے نہ ہی کوئی کاروبار کا سلسلہ۔ مجھے مہربانی کرکے کوئی مشورہ دیجئے کہ مجھے کیا کرنا چاہیے؟ اور ادھر رہتاہوں تو بیوی کے حقوق پورے نہیں ہوتے اسی لیے میں بہت پریشان ہوں دل بھی ادھر نہیں لگتا ہے بہت مشکل سے میں نے ادھر چار سال کاٹے ہیں۔ دین کے لیے بھی وقت نہیں لگا پاتا ہوں اس لیے بھی زیادہ افسوس ہوتا ہے کہ زندگی بھی نکلتی جارہی ہے۔ اس لیے برائے مہربانی ہمارے لیے دعا بھی کیجئے آپ سبھی حضرات اور کوئی وظیفہ بتادیجئے جو ہر وقت پڑھتا رہوں۔ اللہ آپ لوگوں کو جزائے خیر عطا فرمائے آمین۔

اعمال قرآن اردو صفحہ 145مصنفہ مولانا اشرف علی تھانوی رحمة اللہ علیہ مطبوعہ جسیم بک ڈپو اردو بازار جامع مسجد دہلی، اور بہت سارے دیگرکتب خانوں سے شائع ہوئی ہے اس میں مذکور ہے کہ اگر کسی عورت کو ماہواری کا خون بہت زیادہ آئے تو سورہ آل عمران کی آیت نمبر ۱۴۴-یعنی(و ما محمد الا رسول قد خلت ․․․․․․․الخ)کاغذ کے تین الگ الگ ٹکڑوں پر لکھی جائے گی، اورایک ٹکڑا عورت کے دائیں اورایک بائیں پیر پر باندھا جائے گا اور ایک ناف کے نیچے لٹکایاجائے گا۔(۱)میں صرف یہ جاننا چاہتا ہوں کہ کیااس طرح سے قرآنی آیات کا استعمال کرنا درست ہے؟ (۲)مجھے قرآن کی آیت یا کسی حدیث کا حوالہ عنایت فرماویں جہاں سے مولانا اشرف علی تھانوی رحمة اللہ علیہ نے اس کو لیا ہے۔ مجھے مستندحوالہ بتائیں۔

میرا مسئلہ یہ ہے کہ میرے شوہر کے لڑکیوں کے ساتھ غلط تعلقات ہیں۔ میں پانچوں وقت کی نماز پڑھتی ہوں، میرے تین بچے ہیں، جب سے میری شادی ہوئی تب سے ا ن کے غلط تعلقات ہیں، اس لیے زندگی کی راہ میں رکاوٹیں پیدا ہوگئیں۔ وہ اس حرکت سے باز نہیں آرہے ہیں۔ مجھے سمجھ میں نہیں آرہا ہے کہ میں کیا کروں؟ وہ پورا دن کام نہیں کرتے ہیں، مختلف لڑکیوں کے ساتھ شہرمیں گھومتے ہیں۔ میں نے ان کے موبائل میں لڑکیوں کی تصاویر اور پیغامات دیکھے، جسے وہ بھیجا کرتے ہیں۔ میرے پوچھنے پر وہ انکا ر کرتے ہیں۔ کبھی ایسا محسوس ہوتاہے کہ کہیں یہ رشتہ ختم نہ ہوجائے، میں یہ رشتہ ختم کرنا نہیں چاہتی ہوں۔ براہ کرم، بتائیں کہ میں کیا کروں کہ یہ رشتہ نہ ٹوٹے ۔