متعلقہ سوالات

میں انجینئرنگ یونیورسٹی کا طالب علم ہوں اور یونیورسٹی کے ہاسٹل میں رہتا ہوں۔ میں یونیورسٹی کے تبلیغی جماعت کے لوگوں سے جڑنا چاہتا ہوں، لیکن ہم یونیورسٹی سے باہر نہیں جاسکتے ہیں اورہمیں انتظامیہ سے تحریری اجازت لینی پڑتی ہے اورباہر جانے کی وجہ بتانی پڑتی ہے۔ اگر ہم ان کو یہ کہیں کہ ہم شب جمعہ یا سہ روزہ یا خانقاہ میں جارہے ہیں تو وہ لوگ اجازت نہیں دیں گے۔ اس لیے میرا سوا ل یہ ہے کہ میں یہ لکھتا ہوں کہ میں گھر جارہا ہوں اوردل میں یہ نیت کرتا ہوں کہ اللہ کے گھر جارہا ہوں، توکیا میرا یہ کرنا صحیح ہے یا نہیں؟کبھی کبھی امتحان کی تیار ی کے لیے کم وقت ہونے کی وجہ سے میری تعلیم متاثر ہوتی ہے۔ میں کیا کروں؟ کیا میں تبلیغ میں جانا بند کردوں اور اپنی تعلیم میں جو کہ دینی تعلیم نہیں ہے بلکہ انجینئرنگ کی ہے اس میں پوری توجہ لگاؤں۔ کیوں کہ میرے دوست کہتے ہیں کہ تم غیر قانونی راستہ اختیار کرتے ہو۔ برائے کرم قرآن اورحدیث کی روشنی میں میری رہنمائی فرماویں۔

حضرت میں اپنے عمل میں اخلاص پیدا کرنا چاہتی ہوں میں کیا کروں؟ اکثر میری نمازیں قضا ہوجاتی ہیں حالانکہ میں وضو کرکے آتی ہوں جائے نماز بچھا بھی دیتی ہوں پھر پتہ نہیں کیا ہوتا ہے نماز چھوٹ جاتی ہے۔ اللہ کا خوف بھی ہے دل میں اور نماز کی تڑپ بھی لیکن مجھے خود نہیں پتہ نماز چھوٹ کیوں جاتی ہے۔ میرا خیال ہے کہ شاید میرے اندر اخلاص نہیں یا پھر کوئی اور بات ہے۔ میں اللہ سے معافی بھی بہت مانگتی ہوں اور نیک توفیق بھی مانگتی ہوں ۔بتائیے میں کیا کروں؟ اور مجھ گناہ گار کے لیے دعا کریں کہ اللہ مجھے صالحین میں سے بنا دے۔

ایک لڑکی سے انٹر نیٹ پر میری ملاقات ہوئی اور ہم بہت قریبی دوست بن گئے اور میں اس سے ملاقات کرنے کے لیے گیا اور اس سے ملاقات کرنے کے لیے ایک ہوٹل بک کی۔ جب ہم کمرے میں تھے تو ہم اپنے اوپر قابو نہیں کرپائے وہ ننگی ہوگئی اور میں نے اس کے سینہ پر بوسہ لیا اور اس کے عضو مخصوص کو چھوا ،لیکن اس کے ساتھ جماع نہیں کیا۔مجھے احساس ہورہا ہے کہ میں نے زنا جیسا عمل کیا ہے اور میں اپنے گناہوں سے توبہ کرنا چاہتاہوں، اس لیے میں یہ جاننا چاہتاہوں کہ اس کی کیا سزا ہے، اور مجھے وہ سزا کہاں سے ملے گی یا کوئی اور طریقہ ہے اس سے توبہ کرنے کا؟

دعوت کے کام میں اسلام کی دعوت عمومی اندا ز میں دئے جانے کی علامتیں کیا ہیں؟ اللہ آپ کو برکت دے۔

کیاٹی وی کے ذریعہ تبلغ دین جائزہے؟ جب کہ پاکستان کے ایک مدرسہ(جامعةالرشاد) کراچی کے استاد مولانا اسلم شیخوپوری صاحب حق ٹی وی پر ویڈیو درس قرآن دیتے ہیں۔

میں بہت پریشان ہوں۔ میں نے شادی کی ہے اور میری بیوی تھوڑی ماڈرن ہے اور میری سوچ دینی ہے اور میں نے اس کو بار بار سمجھایا اور ہر اچھی بات بتائی لیکن وہ میری بات ذہن نشیں ہی نہیں کرتی۔ میں نے اس کو ٹی وی سے منع کیا، ہر بات سے منع کیا لیکن وہ اپنی بہن کو نہیں چھوڑتی ہے اگر اس کی بہن غلطی پربھی ہو تووہ اس کا ساتھ دیتی ہے اور مجھے کچھ سمجھتی ہی نہیں ہے، میں بہت پریشان ہوں۔ حالانکہ میں اس کو اچھی بات ہی بتاتا ہوں اور میں اس کو نماز پڑھاتا ہوں اور قرآن بھی پڑھاتا ہوں۔ اس کی اور میری عمر میں نو سال کا فرق بھی ہے۔ اگر اس کو چھوڑتا ہوں تو ماں باپ کی ناراضگی ہے، کیوں کہ وہ میری پھوپھی کی بیٹی ہے ۔ آپ مجھے اس کو صحیح کرنے کا کوئی حل بتائیں؟