دارالعلوم دیوبند انڈیا
English
اردو
لاگ ان / سائن اپ
English
اردو
فہرست عناوین
مجموعی تعداد : 32812
عقائد و ایمانیات
اسلامی عقائد (1531)
ادیان و مذاہب (61)
فرق باطلہ (83)
فرق ضالہ (247)
بدعات و رسوم (502)
تقلید ائمہ ومسالک (276)
قرآن کریم (715)
حدیث و سنت (807)
دعوت و تبلیغ (435)
متفرقات
حلال و حرام (2879)
دعاء و استغفار (1426)
اسلامی نام (1113)
تصوف (349)
تاریخ و سوانح (294)
سیر وجہاد (21)
دیگر (3866)
عبادات
طہارت (1399)
صلاة (نماز) (3883)
جمعہ و عیدین (426)
احکام میت (556)
صوم (روزہ ) (847)
زکاة و صدقات (1342)
حج وعمرہ (754)
قسم و نذر (232)
اوقاف ، مساجد و مدارس (682)
ذبیحہ وقربانی (438)
معاشرت
نکاح (2084)
طلاق و خلع (1277)
ماکولات ومشروبات (436)
لباس و وضع قطع (521)
اخلاق و آداب (402)
تعلیم و تربیت (261)
عورتوں کے مسائل (882)
معاملات
بیع و تجارت (499)
شیئرز وسرمایہ کاری (119)
سود و انشورنس (979)
دیگر معاملات (556)
وراثت ووصیت (1262)
حدود و قصاص (71)
ہمارے بارے میں
سوال پوچھیں
رابطہ کریں
کل سوالات : 1293
معاشرت >> طلاق و خلع
Q.
میرا مسئلہ یہ ہے کہ میری شادی ۲۰۰۳ء میں شاہ خالد نامی آدمی سے ہوئی تھی۔ جس دن نکاح تھا اس دن صبح ہی سے حق مہر کا جھگڑا شروع ہوگیا کہ میرے شوہر نے سونے کا سیٹ جس کی مالیت مقرر کردہ مہر سے دو گناکم تھی، دینے کو کہا۔۔۔ جب مفتی صاحب جنھوں نے میرا نکاح پڑھایا انھوں نے اصرار کیا کہ یہ مہر کم ہے اس لیے آپ باقی پیسہ دیں گے۔ مہر میرے شوہر نے خود مقرر کیا اور راضی نامہ ہونے کے بعد نکاح کا اعلان کیا گیا۔ نکاح کے بعد وہ سیٹ اس نے شادی کے دوسرے دن میری الماری توڑ کر نکال کیا کہ یہ میرا ہے۔ میں تم کو مہردے دوں گا۔ جس پر میں خاموش رہی۔ شوہر کچھ کام نہیں کرتا تھا۔ مجھے کبھی اس بات کا سکون نہیں ملا۔ سارا دن سونا اور رات اٹھ کر بات بات پرجھگڑا کرنا ۔ کہ اپنے ماں باپ سے کہو کہ یہ دیں وہ دیں۔ میں اپنے ماں باپ سے کچھ نہیں مانگتی تھی۔ مگر جب وہ کچھ لے کے دیتے وہ مجھ سے چھین لیتا۔ میں اپنے شوہر کے پاس چھ مہینہ رہی۔ آئے دن جھگڑا فساد ایک گھر میں ہم دونوں کا رہنا عذاب ہوگیا۔ اس لیے میں وہ گھر بھی چھوڑ آئی۔ میں اب اس شخص کے ساتھ نہیں رہنا چاہتی۔ وہ چار سال سے ایک دفعہ بھی مجھ سے نہ تو ملنے آیا نہ فون کیا۔ ہم نے اس کا بہت پتہ لگانے کی کوشش کی مگر اس کی بہن کے گھر سے بھی اس کا کچھ پتہ نہیں چلا۔ پچھلے سال میں نے خلع کے لیے عدالت میں فائل جمع کروائی جس کو آٹھ مہینہ ہوگئے ہیں۔ اس کو بار بار بلایا جارہا ہے نہ وہ حاضر ہوتاہے نہ ہی چھوڑتا ہے۔ اب بتائیے اس صورت میں کیا کروں؟ نہ ہی وہ لے جاتا ہے نہ چھوڑتا ہے۔ کیا میرے لیے اس سے چھٹکارے کا کوئی راستہ نہیں؟ خدارا میری مدد کیجئے اس معاملے میں۔ مجھے اب اپناڈر لگنے لگا ہے کہ میں گناہ میں نہ پڑ جاؤں۔ آپ سمجھ سکتے ہیں اس بات کو۔
2298 مناظر
Q.
برائے کرم میری درج ذیل مسائل میں رہنمائی فرماویں۔ میرے بھائی نے زبانی طور پر ایک ہی وقت میں واضح الفاظ کے ساتھ اپنی بیوی کو تین طلاق دی۔ وہ کہتا ہے کہ یہ ایک ہی مانی جائے گی۔ میری ماں اس ناخوش گوار واقعہ کی گواہ ہے۔ برائے کرم مجھے بتائیں کہ کیا یہ طلاق واقع ہوگی یا نہیں؟
2061 مناظر
Q.
میں اپنی بیوی سے بہت پریشان رہتا ہوں، میں اپنی بیوی کے ساتھ علیحدہ رہتا ہوں مگر میں اپنے والدین سے روزانہ ملتا ہوں۔ مسئلہ یہ ہے کہ میری بیوی تمام وقت میرے والدین کے متعلق برا کہتی ہے اور میری ہمشیرہ کو بھی برا کہتی ہے جب کہ میں جانتاہوں کہ وہ لوگ اس کوعزت دیتے ہیں مگر میری بیوی کے ذہن میں کیا ہے یہ میں نہیں جانتا۔ لیکن والدین ہی کے ساتھ نہیں بلکہ میرے ساتھ بھی برا سلوک کرتی ہے، جیسے اونچی آوازمیں بات کرنا ، مجھے برا کہنا ، کبھی کبھی میرے ذہن میں آتا ہے کہ میں طلاق لے لوں ،لیکن میرا ایک تین سال کا بیٹا بھی ہے جس کے لیے میں نے نیت کی ہے کہ اسے عالم بناؤں گا۔ آپ ہی میری مدد کیجئے کہ میں کیا کروں۔ میں اپنے مکان والوں سے کہہ بھی نہیں سکتااور اس کے ساتھ رہ بھی نہیں سکتا۔ اب آپ ہی مجھے بتائیں کہ اللہ کا کیا حکم ہے؟ کبھی کبھی وہ اپنے والدین کے یہاں چلی جاتی ہے تو بچے کو خود ہی دیکھنا پڑتا ہے اور اپنی تجارت بھی کرنی پڑتی ہے۔ اس لیے میں بہت پریشان رہتا ہوں۔ کیا میں ایسی عورت کے ساتھ رہوں یا اسے چھوڑ دوں؟
3310 مناظر
Q.
اگرمیاں اور بیوی ایک دوسرے سے لڑرہے ہوں اور بیوی لڑائی کے دوران پشتو زبان میں کہے جس کا مطلب ?اس شادی کا تو کوئی شعور/ قابلیت /وجہ نہیں ہے (اس نے لفظ تُک کا بھی استعمال کیا جو اردو میں شعور، قابلیت ،وجہ وغیرہ کے معنی میں استعمال ہوتا ہے) اور اس کے شوہر نے خاموشی اختیار کی، لیکن جب عورت یہ کہہ رہی تھی تب شوہر اپنا سر اوپر اور نیچے کررہا تھا ، لیکن اس نے اس کو طلاق دینے کی کوئی نیت نہیں کی۔ کیا شوہر کا سر ہلانا نکاح پر اثر انداز ہوگا؟ وہ اپنا سر طلاق دینے کے لیے نہیں ہلا رہا تھا، لیکن اس بات کا اظہار کرنے کے لیے کہ اتنی زیادہ لڑائی کی وجہ سے ان کی شادی کا تو کوئی شعور/ قابلیت /وجہ نہیں ہے، لیکن وہ اب بھی شادی کو جاری رکھنا چاہتا تھا اور اب بھی چاہتا ہے ، اور لڑائیوں پر مصالحت کرنا چاہتا ہے اور شادی برقرار رکھنا چاہتا ہے۔ برائے کرم جواب عنایت کریں۔
2208 مناظر
Q.
میں نے بہشتی زیور میں پڑھا ہے کہ اگر کوئی اپنی بیوی کو دل میں ایک طلاق کی نیت کرکے وضاحت کے لیے تین بار طلاق کا لفظ ادا کرے تو ایک طلاق واقع ہوگی۔ برائے مہربانی قرآن اورحدیث کا حوالہ دے کر رہنمائی فرمائیں۔
2593 مناظر
Q.
کیا حالت حمل میں طلاق واقع ہوجاتی ہے؟ جب کہ حضور اکرم صلی اللہ علیہ وسلم نے حضرت عبداللہ بن عمر کو رجوع کا حکم فرمایا تھا۔
1712 مناظر
Q.
میں نے کہا کہ میں خلع لیتا ہوں اگر وہ مجھے دے رہی ہے تو؟ اس کے بعد اس نے کہا ہاں، میں تم کو خلع دے رہی ہوں۔ اس نے کہا کہ میں تم کو خلع دے رہی ہوں، کیا اس کو خلع دینے کا حق ہے یا وہ خلع کے لیے درخواست کرسکتی ہے؟
2388 مناظر
Q.
میں نے طلاق معلق کے بارے میں سناہے ، براہ کرم، اس کی وضاحت کریں۔ اگر کوئی ا پنی بیوی سے یہ کہتاہے:” اگر تم اپنی بہن کے گھر گئی ہو تو میں تجھے طلاق دیتاہوں“ ( ماضی کا صیغہ استعمال کیاگیاہے)میں طلاق معلق کے بارے سابقہ فتاوے پڑھ چکی ہوں ، لیکن واضح طورپر ماضی اور مستقبل کے صیغوں کا استعمال نہیں ہے۔ مذکورہ بالا جملہ میں صراحت کے ساتھ ماضی کا صیغہ مستعمل ہے۔( بیوی اپنے شوہر کو بتائے بغیر اپنی بہن کے گھر جایاکرتی ہے۔ جب شوہرنے یہ کہا تو اس کی نیت طلاق دینے کی نہیں تھی۔ اس طرح کی طلاق کے بارے میں اسلامی حکم کیاہے؟
8397 مناظر
Q.
میری شادی کو تین سال پورے ہوئے ہمارا ایک دو سال کا بیٹا بھی ہے جو اب اسی کے پاس ہے۔ شادی کے بعد میری بیوی مجھ پر بہت شک کرتی تھی اور میری سگی بہن اور رشتہ داروں کے ساتھ میرا ناجائز رشتہ رکھنے کا الزام لگاتی تھی، اور مجھ سے ہمیشہ جھگڑتی تھی۔ پچھلے سال جب میں انڈیا چھٹی پرآیا تھا تو اس کا رویہ ویسا ہی تھا۔ اور ایک دن اس نے اس کی بڑی بہن اور اس کے بچوں کے سامنے جو کہ سب بالغ ہیں میرے ہاتھ میں قرآن دیا اور مجھ سے طلاق مانگا۔ میں بھی کتنا برداشت کرتا میں نے اسے اسی وقت تین بار طلاق بولا (تجھے طلاق دیا)، اب وہ اور اس کی بہن جھوٹ بولتی ہیں کہ اس نے طلاق نہیں مانگی، بلکہ میں نے اسے طلاق دیا ۔ حالانکہ مجھے پتہ تھا کہ وہ لوگ جھوٹ بولیں گے، اس لیے میں نے ان کیکچھ باتیں میرے موبائل میں ویڈیو ریکارڈنگ کرکے رکھ لی ہیں۔ وہ حل کرکے مجھ سے پھر رشتہ جوڑنا بھی چاہتی ہے۔ میں اب اس عورت سے رشتہ نہیں جوڑنا چاہتا۔ اب میں اس کا اور بچہ کا خرچ بھی نہیں بھیجتا ہوں۔ فی الحال وہ اپنے ماں کے گھر رہتی ہے، کیوں کہ میں کرائے کے گھر میں رہتا تھا اور یہ واقعہ ہونے کے فوراً بعد میں کویت چلا آیا اور اسے کرایہ اور خرچ کا پیسہ بھیجنا بند کردیا۔ اب اس کے بڑے بھائی لوگ میرے انڈیا آنے کا انتظار کر رہے ہیں تاکہ وہ مجھے مار سکیں۔ میں آپ لوگوں سے گذارش کرتا ہوں کہ مجھے دارالافتاء کے لیٹر پیڈ پر اس بارے میں فتوی لکھ کر بھیجیں۔ کہ یہ طلاق ہوچکی ہے یا نہیں؟ اورحلالہ کااصل طریقہ کیا ہے ،تاکہ میں آپ کا خط ان کے بھائیوں کو بھیج سکوں اور ان کو سمجھ میں آجائے۔ وہ لوگ مجھ سے رشتہ جاری رکھنے کے لیے زور دے رہے ہیں۔
2712 مناظر
Q.
زید کے طلاق دینے کے بعد، سارہ (بیوی) اور لڑکی حیا زید کے والدین کے ساتھ ان کے آبائی گاؤں میں رہتے ہیں۔جب کہ زید ایک دور کے شہر میں کام کرتا ہے اوروہیں رہتا ہے۔اب ان دونوں کواپنی غلطی کا احساس ہوگیا ہے، اور لڑکی حیاء ، پر ان کی جدائی کے برے اثر کی وجہ سے حلالہ کرنا چاہتے ہیں (غیر منصوبہ بند طریقہ سے)۔ لیکن ان کے والدین ان کے خلاف ہیں۔ سارہ کے والدین کہتے ہیں کہ یہ شریعت کے مطابق جائز نہیں ہے۔ زید کے والدین کہتے ہیں کہ اگر چہ غیر منصوبہ بند طریقہ پر حلالہ شریعت میں جائز ہوسکتا ہے، لیکن دوسرے سماجی وجوہات کی بناء پر وہ اس کی اجازت نہیں دیں گے۔ بڑی سماجی وجہ یہ ہے کہ اس حلالہ کا منفی اثر ان کی خاندان کی دوسری لڑکیوں کی شادی کی تجویز پر پڑے گا، نیز ان کی لڑکی حیاء کی نفسیات اور زندگی پر بھی اس کا اثر پڑے گا۔لیکن دوسرے رشتہ داروں اور دوستوں سے بحث و مباحثہ کے بعد یہ بات سامنے آئی کہ اس طرح کے منفی سماجی اثر ظاہر نہیں ہوں گے اوریہ بہت اہم نہیں ہوں گے۔ خاص طور سے زید اورسارہ اپنی لڑکی حیاء کی خاطر حلالہ کرانا چاہتے ہیں۔ (۱) کیا شریعت اس طرح کی سماجی وجوہات کی بناء پر والدین کے راضی نہ ہونے کی وجہ سے حلالہ کرنے سے منع کرتی ہے؟ (۲) اگر زید اور سارہ والدین کی خواہش کے برخلاف حلالہ کراتے ہیں تو کیا زید اورسارہ شریعت کی رو سے والدین کی نافرمانی کا گناہ پائیں گے؟
1715 مناظر
Q.
میری بیوی میری مرضی اور اجازت کے بغیر اپنے میکہ چلی گئی تھی۔ میرے گھر والوں اور میری بیوی کے درمیان کچھ کہاسنی ہوئی تھی۔ میں نے بہت مرتبہ اپنی بیوی کو گھر واپس آنے کے لیے کہا جس پر اس کا کہنا ہے کہ میرے گھر پر واپس آکر رہنا اس کے لیے ناممکن ہے۔ میں نے اس بارے میں پہلے بھی آپ سے دریافت کیا تھا جس کا فتوی آئی ڈی:2378ہے۔ ان سب کے بعد میں فروری ۲۵/ اپنی بیوی کو ایک ایس ایم ایس بھیجا جس میں میں نے کہا کہ تم کو جو کرنا ہے کرو مگر ایک مارچ تک گھر چلی جاؤ ورنہ میں آخری فیصلہ کروں گا۔ جس کے جواب میں اس نے مجھے سخت باتیں لکھی اور کہاکہ ایک مارچ تک انتظار کرنے کی کیا ضرورت ہے وہ وہاں واپس نہیں جائے گی۔ اس کا مطلب ہے کہ میرے والدین اس سے معافی مانگیں پھر وہ واپس جائے گی۔ اس کے بعد میں نے اس کو ایک ایس ایم ایس بھیجا جس میں میں نے لکھاکہ اگر تو ایک مارچ تک میرے گھر نہیں گئی تو تجھے طلاق۔ میرا سوال یہ ہے کہ: (۱) کیا اس کو طلاق ہوگئی؟ (۲) اس کے آگے کیا اور کیسے معاملہ چلے گا؟ (۳) تفصیل کے ساتھ میرے مسئلہ کا حل بتائیں، کہ میری بیوی کے پاس واپس آنے کے لیے اب کتنا وقت ہے، اور اس کے واپس آنے کے بعد مجھے کیا کرنا ہوگا؟
4123 مناظر
Q.
میرے شوہر نے فون پر اپنی بیوی کو تین طلاق (طلاق، طلاق، طلاق) دی، (10/جنوری 2003)کو اپنی بہن کی موجودگی میں، اس کے بعد اس کی بیوی کہہ رہی ہے کہ طلاق واقع نہیں ہوئی، کیوں کہ وہ ایام حیض میں تھی۔ فون پر تین مرتبہ طلاق دینے کے بعد اس نے وکیل کے ذریعہ طلاق کے کاغذات بنائے اور دو گواہوں کی موجودگی میں اس پر دستخط کئے اور گواہوں نے بھی اس پر دستخط کئے، اس نے طلاق کی کاپی وکیل کے ذریعہ سے 15/جنوری کوڈاک کے ذریعہ سے بھیجی۔ برائے کرم ہمیں بتائیں کہ کیا طلاق واقع ہوگئی ہے یا نہیں؟
1961 مناظر
Q.
اگر کوئی عورت اپنے ذہنی توازن کے بگڑجانے کی وجہ سے دس سالہ شادی شدہ ناخوش گوار زندگی میں وزنی چیز اٹھا کربہت سے اسقاط کرائی ہوتو اس کے بارے میں کیا حکم ہے؟ وہ اپنے شوہر کے جسمانی موجودگی کو ناپسند کرتی ہے، اس نے اپنی حرکتوں پر کنٹرول کرنے کی بہت کوشش کی ہے ، لیکن سب بیکار۔اس ذہنی عدم توزن اور بے چینی کی وجہ سے کیا اسے نکاح بر قرار رکھنا جائزہے؟یا اسے خلع کرا لینا چاہئے اور حرام کاموں سے بچنا چاہئے؟
2122 مناظر
Q.
میری بہن کے شوہر نے اسے رخصتی سے پہلے ہی طلاق دیدی تھی، اب پھر وہ اسے واپس لے جانا چاہتاہے۔ براہ کرم، بتائیں کہ اب ہمیں کیا کرنا پڑے گا؟
2544 مناظر
Q.
سوال یہ ہے کہ میں نے غصہ سے اپنی بیوی کو ایک بار کہا کہ میں تمہیں طلاق دیتاہوں اور پھر خاموش ہوگیا، کیا ایک بار کہنے سے میری بیوی کو طلاق ہوجائے گی؟ برا ہ کرم، تفصیل سے بتائیں۔ایک بار طلاق کہنے سے کیا ہوتاہے؟ اس بارے میں بھی بتائیں۔
1954 مناظر
Q.
ایک غیر مدخولہ لڑکی کو اگر اس کے شوہر کہہ دے کہ تجھے تین شرط پر طلاق، لڑکی کے کہنے پراس نے کہا کہ اب باری باری طلاق کا لفظ بولو۔ لڑکے نے ان الفاظ میں دوبارہ کہاتجھ کو طلاق ہے، طلاق ہے، طلاق ہے، اس صورت میں کونسی طلاق ہوئی؟آیا تینوں کی تینوں ہوگئیں یا صرف ایک ہی طلاق ہوئی؟یہ خیال میں رہے کہ اس نے ایک دفعہ کہا کہ تین شرط پرطلا ق اور پھر کہاطلاق? طلاق? طلاق۔ لڑکا اور لڑکی ایک ہی گھر میں ، مختلف کمروں میں رہتے رہے ہیں۔ اور ان کی کبھی خلوت صحیحہ بھی نہیں ہوئی ہے۔(شادی زبردستی کی تھی)۔ اب اگر وہ شادی کرنا چاہئے تو اس کا کیا حل ہے؟
3731 مناظر
Q.
اگر مرد شادی کا اصلی مقصد پورا کرنے پر قادر نہ ہو اور بیوی اس سے طلاق مانگے تو مرد اس کے خلاف غلط بیان دینا شروع کردیتاہے پھر وہ اس کودو طلاق دیتاہے تو کیا تیسری طلاق بھی دینی پڑے گی؟یا وہ پہلے ہی بائنہ ہوچکی ہے؟ چونکہ اس کا شوہر سے کوئی تعلق نہیں ہے۔
2213 مناظر
Q.
میری بہن کناڈا میں رہتی ہیں، ان کے شوہر نے حال ہی میں ان سے کہا تھا کہ میں تم کو طلاق دوں گا۔ پھر وہ اپنے والدین سے ملنے کے لیے ہندوستان چلاگیا، ایک مہینہ کے بعدجب واپس آیاتو اس نے ایک ای میل بھیجا کہ میں نے ہندوستان میں دو گواہوں کے سامنے تم کو طلا ق دیدی ہے، اور مہر کا فیصلہ کردوں گا نیز تین مہینے کی عد ت تک پیسے بھی دوں گا۔ میں جاننا چاہتا ہوں کہ کیا ایسی صورت میں طلاق ممکن ہے؟ جبکہ میری بہن وہاں ہندوستا ن میں نہیں تھیں۔
1602 مناظر
Q.
براہ کرم، طلاق اور اس کے شرائط کے بارے میں بتائیں۔ کیا ایک وقت میں غصہ سے تین طلاق کہنے پر مکمل طلاق ہوجائے گی؟
3445 مناظر
Q.
اگر کوئی اپنی بیوی سے کہتاہے : میں تمہارے بارے میں فیصلہ کرتا ہوں، اور یہ کہہ کر اگر اس کا مقصد اس کو طلاق کی دھمکی دینی ہو ، لیکن در حقیقت وہ اس کو طلاق نہیں دے رہا ہو، تو کیا ایسا کہنے سے نکاح پر اثر پڑے گا؟
3915 مناظر
First
Previous
60
61
62
63
64
Next
Last