Title:

کیا عقیقہ اور نکاح ایک ہی نام سے ہونا چاہئے؟

Question: میری بڑی بہن کا عقیقہ” رطافہ خاتون“(Ritafa Khatoon) رکھنے کے بعد کیا گیا، جب کہ کاغذات میں اس کا” نام رفعت جہاں“ (Rafaat Jahan)ہے، سوال یہ ہے کہ کیا شادی کے وقت اس کا نام سرکاری کاغذات کے مطابق” رفعت جہاں“ رکھا جاسکتاہے؟

Answer ID: 400139Posted on: 01-Feb-2021

Fatwa:451-331/N=6/1442

 بچپن میں جس نام سے عقیقہ کیا گیا ، بڑے ہونے پر اگر وہ نام بدل کر دوسرا نام رکھ دیا گیا تو نکاح دوسرے نام سے ہوگا، بچپن کے نام سے نہیں۔ اور اگر بچپن کا نام بھی بہ طور عرف باقی ہے تو دونوں میں کسی بھی نام سے نکاح درست ہے۔ اور اگر نکاح میں دونوں نام لے لیے جائیں مثلاً رفعت جہاں عرف رطافہ خاتون تو یہ بہتر ہے۔