عبادات >> زکاة و صدقات
سوال نمبر: 2604
میرا مسئلہ یہ ہے کہ میرے پاس بینک میں 4۰۰۰۰۰/ لاکھ روپئے ہیں اور میرے پاس اپنا ذاتی گھر نہیں ہے کرایہ کے گھر میں رہتاہوں، میں شادی شدہ بھی ہوں ، میرے پاس ۱۰/ تولہ سونا بھی ہیں، کیا مجھ پر زکاة دیناواجب ہے؟ واجب ہونے پر اس کا کیاطریقہ ہوگا؟ براہ کرم، جواب دیں۔
جواب نمبر: 2604
بسم الله الرحمن الرحيم
فتوی: 749/ ل= 732/ ل
آپ کے درج کردہ احوال سے پتہ چلتا ہے کہ آپ صاحب نصاب ہیں اس لیے آپ پر زکوٰة دینا فرض ہے، اس کی ادائیگی کا طریقہ یہ ہے کہ آپ ہرسال روپئے اور سونے کی قیمت لگاکر اس کا ڈھائی فی صد (%2.5) فقراء و مساکین اور دیگر مصارف زکوٰة کو دے کر اس کا مالک بنادیں۔
واللہ تعالیٰ اعلم
دارالافتاء،
دارالعلوم دیوبند