عنوان: قرض دار كو زكاۃ كی رقم دیے بغیر اپنا قرض وصول كرنا؟

سوال: قرض خواہ قرض دار کا قرض اپنی زکوٰة سے قرض دار کو حوالہ کیے بغیر وصول کر سکتا ہے؟ اگر اس طرح نہیں دے سکتا ہے کیا صورت ہوگی؟ جواب دے کر عند اللہ ماجور ہوں۔

جواب نمبر: 17300301-Sep-2020 : تاریخ اشاعت

بسم الله الرحمن الرحيم

Fatwa : 1431-1167/B=01/1441

زکاة کی ادائیگی کے لئے تملیک شرط ہے یعنی کسی مستحق زکاة کو دے کر اس کا مالک بنانا ضروری ہے، اس کے بغیر زکاة ادا نہ ہوگی۔ قرض خواہ کو چاہئے کہ وہ زکاة کی نیت سے قرض دار کو رقم دے کر اسے مالک و مختار بنادے۔ پھر اس سے کہے کہ آپ اس رقم سے میرا قرض ادا کردیں۔ پھر وہ رقم اپنے قرض میں قرض خواہ کو دیدے تو اس طرح زکاة بھی ادا ہو جائے گی اور قرض بھی ادا ہو جائے گا۔