عبادات - زکاة و صدقات

India

سوال # 162519

میری بہن اور بیوی دونوں پر زکاة فرض ہے اور شوھر پر زکاة فرض نہیں ہے تو دونوں کی زکاة کون اداکرے گا؟

Published on: Jul 2, 2018

جواب # 162519

بسم الله الرحمن الرحيم


Fatwa:1051-918/D=10/1439



جو بھی سونا چاندی کا مالک ہوتا ہے زکاة کا ادا کرنا اسی پر فرض ہوتا ہے جب بیوی اور بہن دونوں مال کی مالک ہیں تو ہرایک پر اپنی زکاة فرض ہے۔



شوہر پر نہ بیوی کی زکاة ادا کرنا فرض ہے نہ بہن کی۔ البتہ اگر وہ اپنی خوشی سے بہن یا بیوی کو کچھ رقم بطور ہدیہ کے دیدے تاکہ یہ اپنی زکاة ادا کردیں تو اس میں کوئی حرج نہیں۔یا شوہر انھیں (بہن بیوی) کو بتلاکر ان کی زکاة خود ادا کردے تو اس سے بھی بہن اور بیوی کی کاة ادا ہوجائے گی۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات