عبادات - زکاة و صدقات

India

سوال # 161132

کسی غریب شخص کو قرض دیا گیا، اب وہ واپس نہیں کرسکتا اور زکات کا مستحق ہے، تو کیا قرض کی رقم واپس نہ لیتے ہوئے اسے زکات میں دے سکتے ہیں زکات کی نیت کرسکتے ہیں کیا؟

Published on: May 9, 2018

جواب # 161132

بسم الله الرحمن الرحيم


Fatwa:989-863/H=8/1439



اس طرح قرض کی رقم واپس نہ لینے سے زکاة کی ادائیگی نہ ہوگی البتہ اگر وہ غریب اپنے پاس سے یا کسی سے قرض لے کر آپ کا قرضہ ادا کردے اور جب آپ کے قرضہ کی رقم آپ کے ہاتھ میں آجائے گی تو قرض ادا ہوجائے گا، پھر وہی رقم اگر آپ اُس غریب مستحق زکاة کو بہ نیت زکاة دے کر مالک وقابض بنادیں گے تو آپ کی زکاة ادا ہوجائے گی۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات