عبادات >> اوقاف ، مساجد و مدارس
سوال نمبر: 6008
میں تبلیغی جماعت میں جاتا ہوں اور اکثر اپنے ساتھ موبائل فون بھی لے جاتا ہوں اور اس موبائل کو مسجد میں ریچارج کرتا ہوں۔ ریچارج کرنے کے بعد کچھ روپئے مسجد کے باکس میں ریچارج کے مد میں ڈال دیتا ہوں۔ کیا ایسا کرنا ٹھیک ہے؟ اس کی وضاحت فرمادیں۔
میں تبلیغی جماعت میں جاتا ہوں اور اکثر اپنے ساتھ موبائل فون بھی لے جاتا ہوں اور اس موبائل کو مسجد میں ریچارج کرتا ہوں۔ ریچارج کرنے کے بعد کچھ روپئے مسجد کے باکس میں ریچارج کے مد میں ڈال دیتا ہوں۔ کیا ایسا کرنا ٹھیک ہے؟ اس کی وضاحت فرمادیں۔
جواب نمبر: 6008
بسم الله الرحمن الرحيم
فتوی: 975=899/ د
جو ریچارج کرلیا اور اس کی مد میں پیسے مسجد میں ڈال دیئے، ٹھیک کیا۔ لیکن آئندہ مسجد کے علاوہ کہیں اور جگہ سے اس کا انتظام کرلیں تو بہتر ہے۔ بوقت مجبوری جب کہ دوسرا نظم نہ ہوسکے اور آپ کا قیام مسجد ہی میں ہے اراکین مسجد سے اجازت لے کر کریں، اور عوض میں مسجد میں کچھ زاید ہی پیسہ دیدیں۔
واللہ تعالیٰ اعلم
دارالافتاء،
دارالعلوم دیوبند