عقائد و ایمانیات - قرآن کریم

India

سوال # 162824

قرآن کریم میں آیت کے اوپر لام الف لا لکھا ہوتا ہے ان پر ٹھہر کے پڑھنا چاہئے یا نہیں؟ مدرسہ میں ہمیں ٹھہراتے تھے لیکن مسجدوں میں ٹھہرتے نہیں ہیں۔ اس لئے آپ مجھے بتائیں کہ ٹھہرنا چاہئے یا نہیں؟

Published on: Aug 12, 2018

جواب # 162824

بسم الله الرحمن الرحيم


Fatwa:1114-1016/N=11/1439



قرآن کریم میں اگر کہیں آیت کے اوپر لام الف (لا) لکھا ہو تو وہاں ٹھہرنے، نہ ٹھہرنے میں اختلاف ہے؛ بعض علما کے نزدیک ٹھہرجانا چاہیے اور بعض کے نزدیک نہیں ٹھہرنا چاہیے؛ لیکن ایسی جگہ ٹھہرنے یا نہ ٹھہرنے سے معنی میں کوئی خلل واقع نہیں ہوتا؛ اس لیے اگر کوئی حافظ یا قاری ایسی جگہ نہ ٹھہرے تو اس پر اعتراض کرنے کی ضرورت نہیں؛ البتہ اگر آیت کے علاوہ درمیان میں ہو اور اس کے اوپر کوئی دوسری علامت نہ ہو تو وہاں ہرگز نہیں ٹھہرنا چاہیے؛ کیوں کہ ایسی جگہ ٹھہرنے سے معنی میں خلل واقع ہوجاتا ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات