عقائد و ایمانیات - قرآن کریم

Pakistan

سوال # 160856

میں نے قرآن پاک حفظ کیااور کمزور حافظہ کی وجہ سے بھول گیا اب میری عمر 18 سال سال ہے مجھے تقریباً 5سال ہو گئے ہیں حفظ کئے ہوئے کیا اب دوبارہ میرے لئے یاد کرنا لازم ہے ؟ اگر میں یاد نہ کروں تو اس گناہ کی معافی مل جائے گی؟ البتہ دیکھ کرتلاوت کرتا رہتا ہوں۔

Published on: Apr 28, 2018

جواب # 160856

بسم الله الرحمن الرحيم


Fatwa:985-804/sd=8/1439



قرآن پاک حفظ کرنے کی توفیق کا ملنا اللہ تعالی کی طرف سے بہت بڑی نعمت ہے اور حفظ کرنے کے بعد سستی اور کاہلی کی وجہ سے بھلادینا بہت بڑا گناہ ہے ، احادیث میں اس پر سخت وعیدیں آئی ہیں ، اس لیے اگر آپ حافظ قرآن ہونے کے بعد بھول چکے ہیں ، تو آپ کے لیے دوبارہ قرآن یاد کرنے کی کوشش کرتے رہنا ضروری ہے ، ہمت سے کام لیں ، اللہ تعالی نے قرآن کے حفظ کو بہت آسان بنادیا ہے ، پابندی سے تھوڑا تھوڑا یاد کرنا شروع کردیں،روزآنہ تلاوت کا معمول بنائیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات