عنوان: قرآن کی آیت کے بارے میں معلومات

سوال: جناب مجھے قرآن کے سپارہ 23 سورة 39 کی آیات 11 اور 12 کے بارے میں کھل کر بتائیں۔

جواب نمبر: 15847601-Sep-2020 : تاریخ اشاعت

بسم الله الرحمن الرحيم

Fatwa: 533-486/M=5/1439

قرآن کریم کے پارہ نمبر ۲۳سورہ ۳۹ (زمر) کی آیات نمبر ۱۱اور ۱۲کا ترجمہ مع تفسیر یہ ہے: آپ کہہ دیجیے کہ مجھ کو (منجانب اللہ ) حکم ہوا ہے کہ میں اللہ کی اس طرح عبادت کروں کہ عبادت کو اسی کے لیے خالص رکھوں (یعنی اس میں شائبہ شرک کا نہ ہو) اور مجھ کو (یہ بھی) حکم ہوا ہے کہ (اس امت کے لوگوں میں) مسلمانوں میں اول (اسلام کو حق ماننے والا) میں ہوں (اور ظاہر ہے کہ قبول احکام میں نبی کا اول ہونا ضروری ہے) (خلاصہ تفسیر معارف القرآن: جلد۷) مذکورہ آیت کے ترجمہ وتفسیر سے ہی مفہوم واضح ہے اگر پھر بھی کچھ سمجھ میں نہ آئے توواضح فرماکر سوال دوبارہ کرسکتے ہیں۔