عقائد و ایمانیات - قرآن کریم

India

سوال # 156445

ہماری مسجد میں کتابوں کا بوکس کسی نے بھیجا ہے جس میں بڑی تعداد میں مراٹھی قرآن شریف ہے تو اس سے لوگوں کو مستفیض ہونے کے لیے تقسیم کرنا ہے یا نہیں؟ اور اس کے ترجمہ پر اعتماد کرنا ہے یا نہیں جس کا اصل ترجمہ مولانا وحیدالدین خان نئی دہلی اور مراٹھی ترجمہ عبدالرحمان چاؤس کا ہے اور اسے پبلش کرنے والے اسلامک رسرچ سنٹر ہیں IRC۔
برائے کرم جلد از جلد صحیح رہنمائی فرما کر عنداللہ ماجور ہوں کتاب کا نام ہے ۔میں آپ کو وہ ایک قرآن شریف بھیج سکتا ہوں اگر آپ مجھے آپ کے دفتر کا پوسٹیل اڈریس بھی جواب میں دے دیں۔

Published on: Dec 14, 2017

جواب # 156445

بسم الله الرحمن الرحيم


Fatwa:222-224/N=3/1439



وحید الدین خاں کے بعض عقائد ونظریات نہایت خطرناک وگمراہ کن ہیں اور ایسے شخص کی کتابوں یا قرآنی ترجمہ کا مطالعہ نہیں کرنا چاہیے ؛ کیوں کہ اس طرح کے غلط عقائد ونظریات کے حامل لوگ اپنی کتابوں اور تحریرات یا قرآن کریم کے ترجمہ میں اپنے نظریات داخل کرنے کی بھرپور کوشش کرتے ہیں؛ اس لیے آپ کی مسجد میں وحید الدین کے ترجمہ قرآن کے مراٹھی ترجمہ کا جو باکس آیا ہے، وہ آپ لوگوں میں ہرگز تقسیم نہ کریں؛ بلکہ اٹھاکر رکھ دیں یا کسی باغ میں کسی مناسب جگہ گڑھا کھود کراحترام کے ساتھ اس طرح دفن کردیں کہ مٹی ڈالنے سے پہلے کوئی تختہ وغیرہ رکھیں، اس کے بعد مٹی ڈالیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات