عقائد و ایمانیات >> قرآن کریم
سوال نمبر: 148895
جواب نمبر: 148895
بسم الله الرحمن الرحيم
Fatwa ID: 671-576/H=5/1438
گناہوں سے سچی پکی توبہ کریں بالخصوص بدنگاہی اور بدگمانی کی نحوست سے تلاوت قرآن کریم میں رکاوٹ پیدا ہو جاتی ہے دعاء کے ساتھ تقویٰ و طہارت کو لازم پکڑیں اور خواہ کچھ دن طبیعت پر جبر کرکے ہی تلاوت کی جائے مگر اپنے حالات اور مشاغل کو ملحوظ رکھ کر ایک مقدار مقرر کرلیں مثلاً ایک پارہ کی تلاوت طے کرلیں اور پھر دل چاہے نہ چاہے اُس کو ضرور پورا کرلیا کریں اور جب تک تلاوت نہ ہوجائے کھانا نہ کھایا کریں ان شاء اللہ آہستہ آہستہ موجودہ حالت میں تغیر ہوکر تلاوت قرآن کریم میں طبیعت لگنے لگے گی۔ سستی کا علاج بجز ہمت اور چستی کے کچھ نہیں ہے۔
واللہ تعالیٰ اعلم
دارالافتاء،
دارالعلوم دیوبند