عقائد و ایمانیات >> قرآن کریم
سوال نمبر: 131080
جواب نمبر: 131080
بسم الله الرحمن الرحيم
Fatwa ID: 1251-1219/SN37=2/1438
(۱) آپ قرب و جوار میں کسی ایسی خاتون کو تلاش کریں جو قرآنِ کریم تجوید کی رعایت کے ساتھ پڑھ لیتی ہے، پھر اس خاتون سے اولاً تجوید کی رعایت کے ساتھ قرآنِ کریم کو ناظرہ پڑھنا سیکھیں، جب آپ کو صحیح صحیح رواں دواں ناظرہ پڑھنے کی قدرت حاصل ہوجائے تو اس وقت آپ کسی حافظہ باعمل خاتون کے مشورے سے حفظِ قرآن کا آغاز کریں، اگر آپ مسلسل لگی رہیں گی تو ان شاء اللہ بہ آسانی حفظ کی تکمیل ہو جائے گی۔
(۲) قرآن کریم ٹھوس فصیح عربی زبان میں ہے، جسے سمجھنے کے لیے عربی زبان کے قواعد نیز عربی زبان اور متعلقات میں مضبوط صلاحیت درکار ہے، اگر آپ میں ہمت ہے تو اعلیٰ صلاحیت کی کسی عالمہ خاتون سے رابطہ کریں اور ان کے مشورے سے مستقل منصوبہ کے ساتھ معلمات سے از ابتداء پڑھیں، اگر کسی مرحلہ میں خاص مشورے کی ضرورت ہوتو یہاں رابطہ کرسکتی ہیں۔
واللہ تعالیٰ اعلم
دارالافتاء،
دارالعلوم دیوبند