متفرقات - تصوف

India

سوال # 69328

کیا بیعت ہونا کسی بھی سلسلے سے ہر مسلمان کے لئے ضروری ہے؟

Published on: Sep 6, 2016

جواب # 69328

بسم الله الرحمن الرحيم

Fatwa ID: 1006-821/D=12/1437

اصل چیز جو فرض اور ضروری ہے وہ ․․․․․
(۱) عقائد کی درستگی اور غلط فکر وعقیدہ سے بچنا۔
(۲) فرائض و واجبات خواہ عبادات کے قبیل سے ہوں یامعاملات و اخلاقیات کے قبیل سے ان کے احکام و مسائل سیکھ کر عمل میں پختگی پیدا کرنا۔
(۳) اس سلسلے میں جوکمی یا کجی ہو ان کی اصلاح کرنا۔ بالعموم یہ اصلاح کسی متبع سنت پابند شریعت شیخ سے تعلق قائم کئے بغیر حاصل نہیں ہوگی اس لیے کسی شیخ کامل سے اصلاح تعلق قائم کرنا ضروری ہوا بیعت ہونا ضروری نہیں ہے لیکن چونکہ بیعت ہونا تعلق کو مضبوط کرنے کی علامت اور ذریعہ ہے اس لیے بہتر ہے اور سنت درجہ کی چیز ہے۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات