Pakistan
سوال # 409
بیعت کا کیا مطلب ہے؟
اگر بیعت کرنا سنت ہے تو کیوں؟
Published on: May 23, 2007
جواب # 409
بسم الله الرحمن الرحيم
(فتوى: 317/ن=294/ن)
کسی بزرگ کے ہاتھ پر یہ معاہدہ کرنا کہ میں آئندہ معصیت نہ کروں گا اور تصفیہ قلب کے لیے آپ کی ہدایات پر عمل کروں گا، اس کا نام بیعت ہے اعلم أن البیعة المتوارثة بین الصوفیة علی وجوہ: أحدہا بیعة التوبة من المعاصي الخ (القول الجمیل: ص12)
اس لیے کہ بیعت قرآن و حدیث سے ثابت ہے، لقولہ تعالیٰ: إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ [الفتح : 10] وقولہ تعالی: لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ [الفتح : 18] وقولہ تعالیٰ: يَا أَيُّهَا النَّبِيُّ إِذَا جَاءكَ الْمُؤْمِنَاتُ يُبَايِعْنَكَ عَلَى أَن لَّا يُشْرِكْنَ بِاللَّهِ شَيْئاً وَلَا يَسْرِقْنَ وَلَا يَزْنِينَ وَلَا يَقْتُلْنَ أَوْلَادَهُنَّ وَلَا يَأْتِينَ بِبُهْتَانٍ يَفْتَرِينَهُ بَيْنَ أَيْدِيهِنَّ وَأَرْجُلِهِنَّ وَلَا يَعْصِينَكَ فِي مَعْرُوفٍ فَبَايِعْهُنَّ [الممتحنة : 12] عن عبادة بن الصامت رضي اللہ عنہ قال قال رسول اللّہ صلی اللّہ علیہ وسلم وحولہ عصابة من أصحابہ: بایعوني علی أن لا تشرکوا باللّہ شیئا ولا تسرقوا ولا تزنوا ولا تقتلوا أولادکم ولا تأتوا ببہتان تفترونہ بین أیدیکم وأرجلکم ولا تعصوا في معروف (الحدیث رواہ البخاري ومسلم) (مشکوٰة: ص13)
واللہ تعالیٰ اعلم
دارالافتاء،
دارالعلوم دیوبند
اس موضوع سے متعلق دیگر سوالات
کیا صوفیاء کو اللہ تعالی کی طرف سے القاء (یا کشف) کے ذریعہ جو علم حاصل ہوتا ہے وہ اتنا ہی حقیقت ہوتا ہے جتنا کہ ایک نبی کا علم ،جو اسے وحی کے ذریعہ بتایا جارہا ہو؟
بیعت سے متعلق سوال کرنا ہے ۔ قرآن و حدیث سے اس کا حوالہ دیں۔ نیز، یہ کہ اجتماعی ذکر کی محفل کی جاتی ہے، کیا یہ سب بدعت ہے؟
ہم دیوبندی تصوف کو مانتے ہیں۔ میرے ایک بریلوی دوست کا کہنا ہے کہ اولیاء میں سب سے اعلی مرتبت ابدال ہوتے ہیں اور وہ کائنات کو کنٹرول کرتے ہیں۔ یہ شرک ہے یا نہیں؟ نیز، اولیاء میں ابدال کا کوئی درجہ ہے یا نہیں؟ (۲) میں عبد الوہاب نجدی کے بارے میں جاننا چاہتا ہوں؛وہ اہل سنت والجماعة میں سے تھے یا کوئی فتنہ تھے؟غیر مقلدین کہتے ہیں کہ انھوں نے ائمہ کا انکار کیا ہے اور تقلید سے منع کیا ہے۔ یہ بات صحیح ہے یا نہیں؟
کیا اسلام میں کسی کو پیر ماننا ضروری ہے؟ اگر ضروری ہے تو کیاقرآن و حدیث میں اس کا کہیں تذکرہ ہے؟ بر ا ہ کرم، باحوالہ جواب دیں۔
میں تزکیہ نفس اور قلب کے لیے سلسلہ مجددیہ نقشبندیہ کا درود پڑھتاہوں، پچھلے کچھ دنوں سے ہمارے کچھ بھائیوں میں سے چند افراد اس درود کے پڑھنے والے پر اور درود شریف پڑھنے پر اعتراض کرتے ہیں ، کیا ان کا اعتراض کرنا جائزہے ؟ کیا ہم یہ درود پڑھ سکتے ہیں؟براہ کرم، اس درود شریف کے متعلق ہماری اصلاح کریں۔ درود شریف: ?اللہم صلی علی سیدنا محمد و الصلاة علیک و علیہ السلام?۔ (۲) کلمہ شریف کا ذکر، مراقبہ ، درود شریف کا ورد ، لو گ مسجد میں بیٹھ کر ذکر اور مراقبہ کرنے سے روکتے ہیں، کیا ان کا روکنا درست ہے؟کچھ افراد خانقاہی اصلا حی کے اس طر یقہ کو مسجد میں بیٹھ کر ذکراور مراقبہ کرنے کی مخالفت کرتے ہیں، ان کا یہ رویہ کیساہے ؟ (۳) کیا تبلیغی جماعت کے کام میں لگنے کے بعد کسی بھی شخص کو اپنے نفس اور قلب کی اصلاح /تزکیہ کے لیے کسی کامل فقیر سے تعلق قائم کرنے کے ضرورت ہے؟ (۴) نفس اور قلب کی پاکیزگی حاصل کرنے کے لیے ظاہری اور باطنی بیماریوں کا مکمل علاج کہاں ہوتاہے؟ ان بیماریوں کا علاج کون لوگ کرتے ہیں۔برا ہ کرم، ہماری رہ نمائی فرمائیں۔
میں نے سنا ہے کہ صر ف جامع شریعت کے ساتھ کسی پیر سے بیعت ہونا چاہئے، جامع شریعت یہ ہے (۱) عالم ہو ( اتنا کہ وہ فقہ کے مسائل خود سے نکا ل سکیں) (۲) عقیدے صحیح اور پکے اور شریعت کے پابند ہو۔ (۳) اس کا سلسلہ حضرت محمد صلی اللہ علیہ وسلم سے ملتا ہو۔ (۴) کوئی اعلانیہ گنا ہ نہ کرتاہو۔ براہ کرم، تفصیل سے بتائیں۔ میں کسی پیر سے بیعت ہونا چاہتاہوں۔ میر ی رہنمائی فرمائیں۔
کیا اجتماعی ذکر جائزہے؟ (۲) کیا ایک ساتھ ایک لَے میں ذکر کرنا اس طرح سے کہ شیخ ایک لفظ کہے اور دوسرے لوگ اس کو دہرائیں، کیسا ہے؟ (۳) ذکر کہاں کیا جائے ، کیا جگہ کا معاملہ اہمیت رکھتا ہے؟ (۴) کیا شیخ کا ہاتھ چومنا او ر چہرہ پر پھیرنا جائز ہے؟ (۵) شیخ اگر عالم نہ ہو تو کیا حکم ہے؟ براہ کرم، اگر ممکن ہو تو تفصیل سے جواب دیں؛ کیوں کہ میں متردد ہوں ۔ میں بیعت ہونا چاہتا ہوں، لیکن کچھ لوگ کہتے ہیں کہ بعض بیعت از قبیل بدعت ہے۔
کوئی بھی ذکر مجھ کو بتادے کہ میں بیخود ہوجاوٴں اور مجھے سلوک سکھادے کہ میں اللہ جل شانہ کے اور محمد صلی اللہ علیہ وسلم کے قریب اور نزديك ہوجاوٴں۔
کیا کسی اللہ کے ولی کی بات کرنا ٹھیک ہے؟ وہ اللہ کا ولی کسی اور شہر میں رہتے ہیں بیعت کرنے والے دوسرے علاقے میں رہتے ہیں ۔ بیعت کس طرح سے کرنی چاہئے؟