متفرقات >> تصوف
سوال نمبر: 160417
جواب نمبر: 160417
بسم الله الرحمن الرحيم
Fatwa:902-788/H=8/1439
روزانہ کچی نیت کرتے ہیں گناہوں کو چھوڑنے کے لیے نیت پکی اور توبہ سچی کرنے کی ضرورت ہے، تازہ غسل کرکے نئے یا دھلے ہوئے کپڑے پہن کر دو رکعت نفل توبہ کی نیت سے پڑھیں اور سلام پھیرکر ایک تسبیح درود شریف کی اور دوسری استغفار کی اور تیسری پھر درود شریف کی پڑھ کر اللہ پاک سے سچی پکی توبہ کریں اور اتنا پختہ عزم کرلیں کہ خواہ جان ہی نکل جائے مگر آئندہ اس لڑکی سے گفتگو نہیں کروں گا اور گندی بلکہ کسی بھی طرح کی فلمیں نہیں دیکھوں گا، اور سگریٹ ہرگز نہ پیوں گا اور اس کے بعد اپنی دس دن کی آمدنی غرباء فقراء مساکین پر خرچ کردیں ،اگر خدانخواستہ اُس کے بعد گناہ ہوجائے تو جب تک مذکورہ بالا کام انجام نہ دے لیں اس وقت تک کھانا بالکل نہ کھائیں پھر کبھی گناہ ہوجائے تو پھر کھانا کھانے سے پہلے ان تمام کاموں کا کرنا اپنے اوپر لازم کرلیں، ان شاء اللہ کچھ ہی عرصہ میں کایا پلٹ ہوجائے گی اور گناہوں کی گندگی سے بچ کر پریشانیاں ختم ہوجائیں گی۔
واللہ تعالیٰ اعلم
دارالافتاء،
دارالعلوم دیوبند