معاشرت >> طلاق و خلع
سوال نمبر: 154270
جواب نمبر: 154270
بسم الله الرحمن الرحيم
Fatwa: 1422-1235/H=1/1439
(۱) ”اگر تم نے اس طرح سے اب فون کٹ کیا تو تمھیں تین طلاق“ اِس جملہ کے بولنے کے بعد دورانِ گفتگو بیوی نے فون کٹ نہیں کیا تو کوئی طلاق واقع نہ ہوئی اگر راشد کی مراد ونیت یہی تھی کہ اب گفتگو کے دوران کٹ کیا تو تین طلاق یعنی یمین فور مراد تھی اور یہ نیت راشد کی نہ تھی کہ آئندہ بھی اگر دورانِ گفتگو فون کٹ کرے گی تو بیوی کو تین طلاق تو ایسی صورت میں آئندہ فون کٹ کرنے پر طلاق واقع نہ ہوگی، اگر بیوی راشد کے بیان کردہ جملہ میں کچھ دیگر الفاظ کا سننا بیان کرتی ہو تو ایسی صورت میں اس کا بیان نقل کرکے سوال دوبارہ کریں۔
(۲) جس کا نکاح فضولی نے کیا تھا اس شخص نے یمین طلاق میں کیا الفاظ بولے تھے؟ بعینہ ان الفاظ کو لکھئے۔
(۳) اگر اسی لڑکی سے نکاح ہوگا تو نکاح ہوتے ہی طلاق واقع ہوجائے گی البتہ اگر اسی وقت یا بعد میں اُسی لڑکی سے دوبارہ نکاح ہوگا تو طلاق واقع نہ ہوگی اور اگر بجائے حالف کے فضولی نکاح کردے تو ایک بھی طلاق واقع نہ ہوگی۔
واللہ تعالیٰ اعلم
دارالافتاء،
دارالعلوم دیوبند