عنوان: قالین یا کارپٹ کو پاک کرنے کا کیا طریقہ ہے ؟جب کہ وہ زمین کے متصل ہو ؟

سوال: قالین یا کارپٹ کو پاک کرنے کا کیا طریقہ ہے ؟جب کہ وہ زمین کے متصل ہو ؟ براہ کرم، مفصل اور مدلل بیان کریں۔

جواب نمبر: 15394101-Sep-2020 : تاریخ اشاعت

بسم الله الرحمن الرحيم

Fatwa: 1289-1257/sd=12/1438

کارپیٹ یا قالین جسے نچوڑا نہ جاسکے ، اگر وہ ناپاک ہوجائے ، تو اُس کی پاکی کا طریقہ یہ ہے کہ اسے تین مرتبہ دھویا جائے اور ہر مرتبہ دھوکر اتنی دیر چھوڑ دیا جائے اُس سے پانی ٹپکنا بند ہوجائے ، پوری طرح سوکھنا ضروری نہیں ہے ، تین مرتبہ ایسا کرنے سے پاک ہوجائے گا۔ وما لا ینعصر یطہر بالغسل ثلاث مرات والتجفیف فی کل مرة؛ لأن للتجفیف أثرا فی استخراج النجاسة وحد التجفیف أن یخلیہ حتی ینقطع التقاطر ولا یشترط فیہ الیبس. ( الفتاوی الہندیة : ۴۲/۱، الفصل الأول فی تطہیر النجاسات)