pakistan

سوال # 166425

اگر زمین سے حاصل ہونے والی آمدنی مالک زمین اور کسان کے درمیان نصف نصف ہو تو زمین کو جو بیج دیا جائے گا وہ کس پر لازم ہوگا مالک زمین پر یہ کسان پر؟یہ پھر دونوں پر نصف کے حساب سے ہوگاکہ آدھا بیج مالک زمین پر اور آدھا کسان پر؟ واضح جواب عنایت فرمائیں۔

Published on: Nov 28, 2018

جواب # 166425

بسم الله الرحمن الرحيم


Fatwa:185-211/sd=3/1440



 مزارعت میں بیج کی ذمہ داری مالک زمین اورکسان دونوں میں سے کوئی بھی لے سکتا ہے ، عقد کے وقت بس تعیین شرط ہے کہ بیج کس کے ذمہ ہوگا اور کونسا ہوگا اور اگر مالک زمین اور کسان دونوں نے نصف نصف بیچ اپنے ذمہ لیا، تو اس کی بہت سی صورتیں نکلتی ہیں اور اس کے احکام میں بھی لمبی تفصیل ہے، اس لیے بہتر یہ ہے کہ بیج یا تو مالک زمین اپنے ذمہ لے لے یا کسان اپنے ذمہ لے لے ، بیج میں اشتراک نہ کیا جائے ۔



قال المرغینانی : الرابع : بیان من علیہ البذر قطعا للمنازعة و اعلاما للمعقود علیہ، وھو منافع الأرض أو منافع العامل ۔ ( ہدایة )



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات