India

سوال # 1074

آج کل مارکیٹ میں بہت سارے شیئرز آگئے ہیں جیسے ایل آئی سی کا منی پلس وغیرہ۔ اس میں فائدہ کے ساتھ نقصان بھی ہوسکتا ہے۔ جب مارکیٹ میں بھاؤ نیچے ہوتا ہے تو شیئرز بند کیا جاسکتا ہے۔ براہ کرم، اس سے متعلق حکم سے آگاہ فرمائیں۔

Published on: Jul 14, 2007

جواب # 1074

بسم الله الرحمن الرحيم

(فتوى:  489/ن = 477/ن)


 


شیئرز کا کاروبار چار شرائط کے ساتھ جائز ہے:


(الف) وہ کمپنی حرام کاروبار میں ملوث نہ ہو مثلاً وہ سودی بینک نہ ہو، سود اور قمار پر مبنی انشورنس کمپنی نہ ہو، شراب کا کاروبار کرنے والی کمپنی نہ ہووغیرہ وغیرہ۔


(ب) اس کمپنی کے تمام اثاثے اوراملاک نقد رقم کی شکل میں نہ ہوں بلکہ اس کمپنی کے کچھ منجمد اثاثے ہوں مثلاً اس نے بلڈنگ بنالی ہو یا زمین خریدلی ہو اور واقعةً کمپنی قائم کرکے اس نے کاروبار شروع کردیا ہو اور یہ امر تحقیق سے معلوم کرلیا ہو۔


(ج) اگر اس کمپنی کا کسی قم کے سودی کاروبار میں ملوث ہونا ممبر بننے کے بعد معلوم ہو تو اس کی سالانہ میٹنگ میں اس معاملہ کے خلاف آواز اٹھائی جائے۔

(د) جب منافع تقسیم ہوں تو اس وقت جتنا نفع کا جتنا حصہ سودی معاملہ سے حاصل ہوا ہو اس کو بلا نیت ثواب فقراء پر صدقہ کردے۔ اگر مذکورہ بالا شرائط میں سے کوئی ایک شرط بھی نہیں پائی گئی تو پھر اس شیئرز میں پیسہ لگانا ناجائز ہوگا۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات