عبادات - صوم (روزہ )

United States of America

سوال # 8577

میری بیوی نے بالغ ہونے کے بعد جتنے بھی رمضان کے روزے چھوڑے تھے ان کا حساب لگایا ہے جو کہ ایک سو پچاس بنتے ہیں۔ یہ روزہ حائضہ ہوجانے اور بچہ کی ولادت ہونے کی وجہ سے بھی تھے؟ اب وہ ان کو ادا کرنا چاہتی ہے۔ برائے مہربانی اس کی ادائیگی اور نیت کا طریقہ بتادیجئے؟

Published on: Nov 15, 2008

جواب # 8577

بسم الله الرحمن الرحيم

فتوی: 1906=1783/د


 

حیض و نفاس کے ایام جو ماہ رمضان میں ہوئے ان دونوں کے روزوں کی قضا بھی واجب ہے، آپ نے شمار کرنے میں ان کو بھی شامل کرلیا ٹھیک کیا۔ادا کرنے کا طریقہ یہ ہے کہ رات ہی سے یہ نیت کریں کہ میں کل قضا روزہ رکھنے کی نیت کرتی ہوں اور ہرروز یہ بھی کہہ لیں کہ جو روزہ میرے ذمہ سب سے پہلا باقی ہے روزانہ اسی طرح نیت کرتی رہیں، یہاں تک ایک سو پچاس روزے پورے ہوجائیں، لگاتار رکھنا ضروری نہیں ہے، تھوڑاتھوڑا بھی رکھ سکتی ہیں۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات