عبادات - صوم (روزہ )

Pakistan

سوال # 8296

نماز تراویح کی شرعی حیثیت کیا ہے؟ واجب، سنت موٴکدہ، سنت غیر موٴکدہ یا پھر مستحب؟ مہربانی فرماکر حوالہ کے ساتھ جواب دیں۔

Published on: Oct 25, 2008

جواب # 8296

بسم الله الرحمن الرحيم

فتوی: 1666=2086/ ب


 


احناف کے نزدیک تراویح کی نماز سنت موٴکدہ ہے۔ واجب یا مستحب نہیں ہے۔ (طحطاوی علی مراقي الفلاح)


اور در مختار میں ہے: التراویح سنة موٴکدة لموظبة الخلفاء الراشدین (درمختار مع الشامي، ج:۱، ص:۴۷۲) وفي شرح منیة المصلي: وحکی غیر واحد الإجماع علی سنیتہا (شامي، ج:۱، ص:۴۷۲) صاحب قدوری نے اسے مستحب لکھ دیا ہے اس لیے لوگوں کو دھوکہ ہوجاتا ہے، دراصل علامہ قدوری نے تراویح کے لیے لوگوں کے مجتمع ہونے کو مستحب لکھا ہے۔ صحیح قول کے مطابق تراویح سنت موٴکدہ ہے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات