عبادات - صوم (روزہ )

india

سوال # 170261

۲۷رجب کے دن روزہ رکھنا کیسا ہے ؟ اور مخصوص طور پر اس رات میں عبادت کرنا کیسا ہے ؟ برائے مہربانی مدلل جواب عنایت فرمائیں۔

Published on: May 21, 2019

جواب # 170261

بسم الله الرحمن الرحيم


Fatwa:975-843/L=9/1440



۲۷ویں رجب کو روزہ رکھنے یا مخصوص طور پراس رات میں عبادت کرنے کی کوئی فضیلت کسی معتبر روایت سے ثابت نہیں ہے، بعض حضرات ستائیسویں رجب کے روزہ کو ہزاری روزہ کہتے ہیں اس کی کوئی اصل نہیں ہے۔



قال الحافظ بن حجر فی تبیین العجب:لم یرد فی فضل شہر رجب ولا فی صیامہ ولا صیام شیء منہ معین ولا فی قیام لیلة مخصوصة فیہ حدیث یصلح للحجة(تبیین العجب: ۱۱)



وقد وردت فیہ أحادیث لا تخلو عن طعن وسقوط کما بسطہ ابن حجر فی تبیین العجب مما ورد فی فضل رجب وما اشتہر فی بلاد الہند وغیرہ أن الصیام تلک اللیلة یعدل ألف صوم فلا أصل لہ (الآثار المرفوعة: )



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات