عبادات >> صوم (روزہ )
سوال نمبر: 162503
جواب نمبر: 162503
بسم الله الرحمن الرحيم
Fatwa:1121-134T/D=10/1439
(۱) تراویح بیس رکعت سنت موٴکدہ ہے تمام صحابہٴ کرام کے اتفاق سے ثابت اور قرن اول سے آج تک متوارث چلی آرہی ہے، لہٰذا آپ بقیہ رکعتیں بعد میں پوری کرلیا کریں۔
(۲) چار رکعت کے بعد امام بدلنے میں کوئی حرج نہیں شرعاً اس کی اجازت ہے۔
(۳) نماز میں دیکھ کر قرآن کریم پڑھنا مفسد صلاة ہے جس طرح کسی خارجِ نماز شخص سے لقمہ لینا مفسد ہے قال في الشامي: إنہ تلقن من المصحف فصار کما إذا تلقن من غیرہ (رد المحتار علی الدر المختار: ۲/ ۳۸۴) پس قرآن میں دیکھ کر پڑھنے سے نماز ادا نہ ہوگی لہٰذا آپ ایسے ا مام کے پیچھے نماز نہ پڑھیں اگر کوئی دوسرا صحیح امام نہ ملے تو تنہا الم تر کیف سے ادا کرلیں۔ آپ کا شبہ صحیح ہے دیکھ کر قرآن پڑھنے سے نماز صحیح نہیں ہوتی۔
واللہ تعالیٰ اعلم
دارالافتاء،
دارالعلوم دیوبند