عبادات >> صوم (روزہ )
سوال نمبر: 15488
کسی کے ذمہ رمضان کے بہت سے روزوں کی قضا
ہو اور ایک ساتھ اتنے سارے روزے رکھنے کی طاقت نہ ہو اور آہستہ آہستہ روزے پورے
کرنے میں بہت سال لگ جائیں گے، تو کیا وہ کچھ روزوں کی قضا غریبوں کو کھانا کھلا
کر پورے کرسکتے ہیں؟ ایک روزہ کے لیے کتنا فدیہ دینا ہوگا؟
کسی کے ذمہ رمضان کے بہت سے روزوں کی قضا
ہو اور ایک ساتھ اتنے سارے روزے رکھنے کی طاقت نہ ہو اور آہستہ آہستہ روزے پورے
کرنے میں بہت سال لگ جائیں گے، تو کیا وہ کچھ روزوں کی قضا غریبوں کو کھانا کھلا
کر پورے کرسکتے ہیں؟ ایک روزہ کے لیے کتنا فدیہ دینا ہوگا؟
جواب نمبر: 15488
بسم الله الرحمن الرحيم
فتوی: 1402=1402/1430/م
جب تک روزہ رکھنے کی طاقت رہے، قضاء روزوں کا فدیہ ادا کردینا کافی نہیں، بلکہ روزہ رکھنا ہی واجب ہے چاہے آہستہ آہستہ پورے کرنے میں عرصہ لگ جائے، ہاں جب آدمی مرض وفات میں مبتلا ہوجائے اور روزہ رکھنے کی طاقت نہ رہے تو جتنے روزہ ذمہ میں باقی رہ گئے ہیں، ان کا فدیہ ادا کردے یا فدیہ کی وصیت کرجائے،ایک روزہ کا فدیہ ایک نماز کے فدیہ کے برابر ہے یعنی ڈیڑھ کلو چوہتر گرام چھ سو چالیس گرام (1.57464 Kg)گیہوں یا اس کی قیمت۔
واللہ تعالیٰ اعلم
دارالافتاء،
دارالعلوم دیوبند