عبادات - صوم (روزہ )

pakistan

سوال # 152488

کیا زکام کا ریشہ حلق میں گرنے سے روزہ ٹوٹ جاتا ہے ؟ یا آنسو اگر منہ میں چلا جائے تو کیا اس سے روزے پر فرق پڑتا ہے ؟

Published on: Jul 17, 2017

جواب # 152488

بسم الله الرحمن الرحيم


Fatwa: 931-787/D=10/1438



زکام کا ریشہ حلق میں گرنے سے روزہ نہیں ٹوٹتا ہے، اسی طرح اگر آنسو محض منھ میں چلاجائے تو اس سے روزے پر فرق نہیں پڑتا ہے۔



البتہ اگر آنسو تھوک کے ساتھ حلق میں اترجائے اور آنسو کا تھوک پر غلبہ ہو یا تھوک کے مساوی ہو تو روزہ ٹوٹ جائے گا اور اگر آنسو تھوک سے کم ہو اور آنسو کا مزہ حلق میں معلوم نہ ہو تو روزہ نہیں ٹوٹے گا۔



ودخل یعني نزل من رأسہ ووصل أنفہ مخاط فاستنشقہ عمدًا وابتلعہ لا یفسد صومہ (الدر مع الطحطاوي: ۶۶۱)․․․ فإن غلب الدم أو تساویا فسد وإلا لا، إلا إذا جد طعمہ، واستحسنہ المصنف وہو ما علیہ الأکثر․ (الدر مع الرد: ۳/ ۳۶۸)



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات