عبادات >> صوم (روزہ )
سوال نمبر: 150326
جواب نمبر: 150326
بسم الله الرحمن الرحيم
Fatwa: 905-892/M=8/1438
جو لوگ جمعہ کو عیدین پر قیاس کرکے جمعہ کے دن نفل روزہ رکھنے کو منع کرتے ہیں ان کا منع کرنا صحیح نہیں ہے، آدمی جمعہ کے دن بھی روزہ رکھ سکتا ہے، البتہ بہتر یہ ہے کہ صرف جمعہ کے دن کو روزہ کے لیے خاص نہ کرے؛ بلکہ آگے یا پیچھے ایک اور دن ملاکر روزہ رکھے، کیونکہ حدیث کے اندر تنہا جمعہ کو روزہ کے لیے خاص کرنے کی ممانعت آئی ہے: وعن أبي ہریرة -رضي اللہ عنہ- قال: قال رسول اللہ -صلی اللہ علیہ وسلم-: ”لا یصوم أحدکم یوم الجمعة إلا أن یصوم قبلہ أو بعدہ“ متفق علیہ (مشکاة المصابیح: ۱۷۹، باب صیام التطوع، ط: یار ندیم اینڈ کمپنی) قال أبویوسف: جاء حدیث في کراہیتہ إلا أن یصوم قبلہ أو بعدہ، فکان الاحتیاط أن یضمّ إلیہ یومًا آخر (شامي: ۳۳۶/۳، زکریا دیوبند)
واللہ تعالیٰ اعلم
دارالافتاء،
دارالعلوم دیوبند