عبادات - صلاة (نماز)

Pakistan

سوال # 9305

اگر فجر کی جماعت شروع ہوجائے تو کیا اس وقت پیچھے کہیں کھڑے ہوکر سنت پڑھنا جائز ہے؟ جب کہ مشکوة میں تو ہے کہ حضور صلی اللہ علیہ وسلم نے ارشاد فرمایا کہ جب فرض نماز کے لیے اقامت ہوجائے تو سوائے اس فرض کے اور نماز نہیں۔

Published on: Dec 23, 2008

جواب # 9305

بسم الله الرحمن الرحيم

فتوی: 2238=2035/ د


 


حدیث کا مفہوم صحیح ہے، لیکن (دیگر احادیث کی روشنی میں) فجر کی سنت موٴکد ترین سنت ہے، اور جماعت میں شامل ہوجانے سے بالکلیہ سنت فوت ہوجائے گی، اس لیے اگر فجر کی جماعت میں شامل ہوسکنے کی امید ہو خواہ قعدہ ہی میں، تو پہلے مسجد کے باہر یا خارجی حصہ میں یا کسی کنارے پر سنت ادا کرے، حضرت ابن عمر رضی اللہ عنہما ستون کا آڑ لے کر پڑھ لیا کرتے تھے۔ پھر جماعت میں شامل ہوجاتے تاکہ سنت بھی ادا ہوجائے اور جماعت بھی مل جائے، لیکن اگر جماعت کے بالکلیہ فوت ہوجانے کا اندیشہ ہو تو سنت نہ پڑھے بلکہ جماعت میں شامل ہوجائے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات