عنوان:

میرا پہلا سوال یہ ہے کہ مجھے میرے ایک عزیز نے جمعة الوداع کو فون کیا کہ جمعة الوداع کوچار رکعت کی نیت کرکے ہر رکعت میں سات دفعہ آیة الکرسی اور سات دفعہ سورہ کوثر پڑھ لیں تمام عمر کی قضا نمازوں کا کفارہ ہوجائے گا؟ کیا یہ درست ہے؟ (۲) میرا دوسرا سوال تصویر کے بارے میں ہے۔ کس حد تک جائز ہے؟ تصویر اور عکس میں کیا فرق ہے؟ کیا دونوں کے لیے ایک ہی حکم ہے؟

سوال:

میرا پہلا سوال یہ ہے کہ مجھے میرے ایک عزیز نے جمعة الوداع کو فون کیا کہ جمعة الوداع کوچار رکعت کی نیت کرکے ہر رکعت میں سات دفعہ آیة الکرسی اور سات دفعہ سورہ کوثر پڑھ لیں تمام عمر کی قضا نمازوں کا کفارہ ہوجائے گا؟ کیا یہ درست ہے؟ (۲) میرا دوسرا سوال تصویر کے بارے میں ہے۔ کس حد تک جائز ہے؟ تصویر اور عکس میں کیا فرق ہے؟ کیا دونوں کے لیے ایک ہی حکم ہے؟

جواب نمبر: 840501-Sep-2020 : تاریخ اشاعت

بسم الله الرحمن الرحيم

فتوی: 1328=179/ل

(۱) شریعت میں اس نماز کی کوئی اصل نہیں اور نہ ہی یہ نماز قضاء شدہ نمازوں کا کفارہ ہوگا بلکہ جتنی نمازیں آدمی سے قضاء ہوئی ہیں، ان کا ادا کرنا ضروری ہے، بغیر اس کے وہ نمازوں سے بری الذمہ نہیں ہوسکتا۔

(۲) تصویر کھنچوانا بغیر سخت مجبوری کے ناجائز ہے، حدیث شریف میں اس پر سخت وعید آئی ہے، البتہ اکر ایسی مجبوری ہو جس کے بغیر چارہ نہ ہو، جیسے پاسپورٹ بنوانا ہو یا شناختی کارڈ کی ضرورت ہو تو ان حالات میں الضرورات تبیح المحظورات کے پیش نظر اس کی گنجائش ہوگی۔