عبادات - صلاة (نماز)

Fiji

سوال # 300

ہماری مسجد میں ایک مسئلہ کھڑا ہوا ہے کہ نماز کے بعد دعا اجتماعی ہونا چاہیے یا انفرادی۔ سابق امام صاحب سرّی (بلا آواز کے) دعا کراتے تھے، اب ایک دوسرے امام آئے اور انھوں نے بلند آواز سے دعا کرانا شروع کردیا۔ براہ کرم، قرآن و حدیث سے اس سلسلے میں فتوی عنایت فرمائیں۔

Published on: Apr 28, 2007

جواب # 300

بسم الله الرحمن الرحيم

(فتوى: 433/ج=433/ج)


 


دعا آہستہ مانگنی چاہیے، مستحب یہی ہے۔ قرآن میں ہے : اُدْعُوْا رَبَّکُمْ تَضَرُّعًا وَّ خُفْیَةً اپنے پروردگار کو عاجزی کے ساتھ اور آہستہ پکارو۔ مفتی شفیع صاحب نے جواہر الفقہ میں نقل کیا ہے کہ مذاہب اربعہ میں اس بارہ میں کوئی اختلاف نہیں کہ نماز کے بعد امام اورمنفرد کے لیے آہستہ دعا مانگنا مستحب ہے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات