عبادات >> صلاة (نماز)
سوال نمبر: 19133
بالغ
ہونے کے بعد میری بہت سی نمازیں قضا ہوگئی ہیں اب میں ان نمازوں کو کس طرح ادا
کروں رہنمائی فرمادیں۔
بالغ
ہونے کے بعد میری بہت سی نمازیں قضا ہوگئی ہیں اب میں ان نمازوں کو کس طرح ادا
کروں رہنمائی فرمادیں۔
جواب نمبر: 19133
بسم الله الرحمن الرحيم
فتوی(د): 159=144-2/1431
بالغ ہونے کے بعد سے اب تک کس قدر نمازیں آپ کی قضا ہوئی ہوں گی، اطمینان سے بیٹھ کر اس کا اندازہ لگالیں، مثلاً کل چھ ماہ یا ایک سال، تو اسے آپ کاپی میں نوٹ کرلیں پھر ادا کرنا شروع کریں، بہتر ہے کہ ہروقتی فرض نماز کے وقت قضا کی نیت سے ایک نماز پڑھتے رہیں، عشاء کے ساتھ وتر بھی پڑھیں۔ اور نیت اس طرح کریں کہ میرے ذمہ سب سے پہلی جو فجر کی نماز ہے یا ظہر کی نماز ہے اسے پڑھتا ہوں، ایک سال تک ایسا ہی کریں، آپ کی قضا نمازیں ادا ہوجائیں گی، اور اگر ہروقتی نماز کے ساتھ قضا نماز نہ ادا کرسکیں تو پھر ایک کاپی بنالیں اس میں فجر ظہر عصر مغرب عشاء وتر کے خانے بنالیں، جب ایک نماز کوئی پڑھیں تو اس خانے میں حاضری بنادیں، اس طرح بارہ مہینوں کے تیس دنوں کے چھ خانے کل پورے ہوجائیں تو آپ کی ایک سال کی قضا نماز ادا ہوجائے گی۔
واللہ تعالیٰ اعلم
دارالافتاء،
دارالعلوم دیوبند