عبادات - صلاة (نماز)

Pakistan

سوال # 17484



ہمارے
علاقہ کے ایک عالم صاحب فرماتے ہیں کہ جو شخص کسی تکلیف کی وجہ سے نیچے بیٹھ کر
سجدہ نہ کرسکتا ہو اور کرسی پر بیٹھ کر نماز پڑھتا ہو وہ قیام بھی نہ کرے اور پوری
نماز کرسی پر بیٹھ کر ادا کرے۔ برائے مہربانی اس کی حوالہ کے ساتھ تصدیق یا تردید
عنایت فرماویں۔



Published on: Nov 12, 2009

جواب # 17484

بسم الله الرحمن الرحيم



فتوی(م):1681=1681-11/1430



 



جو
شخص تکلیف کی وجہ سے زمین پر بیٹھ کر سجدہ نہیں کرسکتا اس کے لیے کرسی پر بیٹھ کر
اشارے سے نماز پڑھنا جائز ہے لیکن اگر وہ زمین پر بیٹھ سکتا ہے چاہے سجدہ کرنے پر
قادر نہ ہو تو اس کے لیے زمین ہی پر تشہد کی حالت میں بیٹھ کر نماز ادا کرنا اولیٰ
ہے:
ینبغي
أن یقال إن کان جلوسہ کما یجلس للتشہد أیسر علیہ من غیرہ أو مساویًا لغیرہ کان
أولی وإلا اختار الأیسر في جمیع الحالات
(شامي)




واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات