عبادات - صلاة (نماز)

India

سوال # 169302

امام کے پیچھے صرف ایک رکعت میں شامل ہوا باقی تین رکعتوں کو کس طرح ادا کیا جائے گا اور سورت کس رکعت میں ملائی جائے گی ؟ تفصیلًا ترتیب بتائیں ۔

Published on: Mar 12, 2019

جواب # 169302

بسم الله الرحمن الرحيم


Fatwa:588-509/sd=7/1440



چھوٹی ہوئی رکعتیں ”قرأت کے حق میں اول مانی جائیں گی“ اور ”قعدہ کے حق میں آخر نماز“ لہٰذا جس شخص کی عصر یا ظہر یا عشاء کی تین رکعتیں چھوٹی ہوں، وہ پہلی رکعت میں سورہٴ فاتحہ اور کوئی سورہ پڑھ کے رکوع سجدہ کے بعد قعدہ کرے گا پھر دوسری رکعت کے لیے اٹھے گا (جو واقع میں اس کی تیسری رکعت ہے) اور اس میں بھی سورہٴ فاتحہ کے ساتھ کوئی سورت پڑھے گا، مگر رکوع سجدہ کے بعد قعدہ نہیں کرے گا؛ بلکہ تیسری رکعت (جو واقع میں اس کی چوتھی رکعت ہے) کے لیے کھڑا ہوجائے گا اور صرف سورہٴ فاتحہ پڑھے گا، دوسری سورہ نہیں ملائے گا، پھر رکوع سجدہ کے بعد قعدہ کرکے سلام پھیردے گا۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات