عبادات >> صلاة (نماز)
سوال نمبر: 166840
جواب نمبر: 166840
بسم الله الرحمن الرحيم
Fatwa : 449-409/H=04/1440
آپ نے اپنے متعلق لکھا ہے ”میں دیوبندی ہوں“ آپ جب کہ ماشاء اللہ دیوبندی ہیں تو شروحِ حدیث اور کتب فقہ و فتاویٰ بھی تو آپ کو دیکھنا اور دکھانا چاہئے جو حدیثیں آپ نے نقل کی ہیں ان میں ٹخنے سے ٹخنے ملانا اپنی حقیقت پر محمول نہیں ہے شارحِ بخاری علامہ ابن حجر رحمہ اللہ تعالیٰ رحمة واسعہ اپنی مشہور کتاب فتح الباری میں فرماتے ہیں والمراد بذالک المبالغة فی تعدیل الصف وسد خللہ اھ (فتح الباری باب الأذان رقم الحدیث، ص: ۷۲۵) حدیث شریف کی مشہور کتاب ابوداوٴد شریف میں صف سیدھی کرنے اور خلل کو بند کرنے سے متعلق کئی الفاظ وارد ہوئے ہیں ان سب کو ملاحظہ فرمالیں نیز اعلاء السنن میں باب سنة تسویة الصف اور فیض الباری شرح صحیح البخاری میں باب الزاق المنکب بالمنکب (فی باب الاذان) کو بھی مطالعہ کرلیں۔ چونکہ ٹخنوں سے ٹخنوں کا ملانا حدیث شریف میں معنی حقیقی پر محمول نہیں ہے اس لئے جو عمل آپ اپنی حنفی دیوبندی مساجد میں دیکھ رہے ہیں وہ درست ہے مذکورہ بالا کتب کا بغور مطالعہ کرلینے کے بعد کوئی اشکال رہے تو بحوالہ اپنا اشکال تحریر فرمائیں۔
واللہ تعالیٰ اعلم
دارالافتاء،
دارالعلوم دیوبند