عبادات >> صلاة (نماز)
سوال نمبر: 166641
جواب نمبر: 166641
بسم الله الرحمن الرحيم
Fatwa : 249-297/M=3/1440
دو سورتوں کے درمیان قصداً ایک چھوٹی سورت کا فصل کرنا خلاف اولیٰ اور مکروہ تنزیہی ہے، دو سورت یا اس سے زائد کا فاصلہ رکھ سکتے ہیں۔ پہلی رکعت میں سورہ فیل اور دوسری رکعت میں سورہ کوثر پڑھ سکتے ہیں لیکن پہلی رکعت میں سورہ فیل پڑھنا اور درمیان میں سورہ قریش کو چھوڑ کر دوسری میں ارأیت الذی پڑھنا اچھا نہیں، نماز فرض ہو یا سنت سبھی نمازوں میں ترتیب برقرار رہنی چاہئے۔ چار رکعت والی سنت موٴکدہ پڑھنی ہے تو اس ترتیب سے پڑھ سکتے ہیں مثلاً پہلی رکعت میں سورہ فیل، دوسری میں سورہ قریش، تیسری میں سورہ ماعون اور چوتھی میں سورہ کوثر پڑھ سکتے ہیں۔ یکرہ فصلہ بسورة بین سورتین قرأہما في رکعتین لما فیہ من شبہة التفصیل والہجر وقال بعضہم لایکرہ الخ (مراقی الفلاح) ۔
واللہ تعالیٰ اعلم
دارالافتاء،
دارالعلوم دیوبند