عبادات >> صلاة (نماز)
سوال نمبر: 164882
جواب نمبر: 164882
بسم الله الرحمن الرحيم
Fatwa : 1530-1294/D=12/1439
اذان و اقامت تمام مصلیوں کی طرف سے ادا کی جاتی ہے اس لئے حق تقدم یعنی اولیت اسے حاصل ہوگی جو اذان و اقامت کے کلمات صحیح طور پر ادا کرنے کے ساتھ ضروری ہے کہ اس کی وضع ہیئت مسنون پر ہو لہٰذا باشرع داڑھی والے کی اذان و اقامت زیادہ مستحسن و محمود ہوگی اور زیادہ ثواب کا باعث بھی بنے گی۔ اور اگر سب ہی بے شرع ہوں یعنی داڑھی منڈے یا خشخشی داڑھی رکھنے والے ہوں تو پھر کلمات اذان کی صحیح ادائیگی کو دیکھا جائے گاجو زیادہ صحیح ادا کرے گا اسے اولیت حاصل ہوگی۔
قال فی الدر: انما یستحق ثواب الموٴذنین اذا کان عالم بالسنة والاوقات ولو غیر محتسب۔ ص:۵۹/۲الدر مع الرد۔
وقال ایضا ویکرہ اذان جنب وفاسق ولو عالماً الخ ، ص: ۵۹/۲الدر مع الرد ۔
واللہ تعالیٰ اعلم
دارالافتاء،
دارالعلوم دیوبند