عبادات - صلاة (نماز)

India

سوال # 162989

سوال: (۱) میں سعودی عرب میں رہتا ہوں۔اکثر وقت میں عمرہ ودیگر حاجات کے لیے سفر ہی میں رہتا ہوں۔ یہاں سعودی کے لوگ سفر میں نماز ظہر وعصر ایک ساتھ اور مغرب و عشاء ایک ساتھ پڑھتے ہیں اورمیں حنفی مسلک سے ہوں۔ تو میں نماز کیسے پڑھوں ؟
(۲) کیا ان لوگوں کے ساتھ نماز پڑھوں گا تو نماز ہوگی؟

Published on: Jul 10, 2018

جواب # 162989

بسم الله الرحمن الرحيم


Fatwa:1061-846/B=10/1439



حنفی مسلک میں سفر کی حالت میں بھی دو فرض نماز کو ایک ہی وقت میں ادا کرنا جائز نہیں یعنی جمع حقیقی کرنا جائز نہیں، ہاں جمع صوری کرسکتے ہیں، جمع صوری کا مطلب یہ ہے کہ پہلی نماز کو اس کے بالکل آخر میں پڑھ لے پھر دوسری نماز کا وقت شروع ہوجائے تو دوسری بھی اپنے وقت میں پڑھ لے اس طرح دونوں نمازیں حقیقت کے اعتبار سے اپنے اپنے وقت میں ہوئیں لیکن بظاہر دیکھنے میں ایک وقت معلوم ہوئیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات