عنوان: فرض نمازوں کے بعد امام کے ساتھ اجتماعی دعا

سوال: کیا فرض نمازوں کے بعد امام کے ساتھ اجتماعی دعا سنت ہے یا بدعت؟ برائے مہربانی اس حوالے سے رہنمائی فرمائیں۔

جواب نمبر: 14990031-Aug-2020 : تاریخ اشاعت

بسم الله الرحمن الرحيم

Fatwa: 898-861/L=7/1438

نفس دعا مطلقاً مامور بہ ہے اور نمازوں کے بعد خصوصیت کے ساتھ دعا کا قبول ہونا احادیث میں وارد ہے؛ اس لیے نماز کے بعد دعاوٴں کا اہتمام کرنا چاہیے ”عمل الیوم واللیلة لابن السنی“ میں ان دعاوٴں کی تفصیل مذکور ہے جو آنحضرت صلی اللہ علیہ وسلم سے ثابت ہیں، البتہ چونکہ معلوم سلام کے بعد امام اور مقتدیوں کے درمیان جو علاقہ رہتا ہے، وہ ختم ہوجاتا ہے؛ اس لیے امام اور مقتدی ہرایک کو اپنے طور پر فرداً فرداً دعا کرنی چاہیے، اگر اتفاقاً کبھی امام بغرض تعلیم جہراً دعا کرادے تو مضائقہ نہیں؛ لیکن امام کا جہراً دعا کرنا اور مقتدیوں سے آمین کہلوانا اس کی پابندی ثابت نہیں۔